ସମ୍ବଲପୁର (ବଡ଼ ଖବରୁ ବ୍ୟୁରୋ): ମହିଳାମାନଙ୍କୁ ଆର୍ଥିକ ଓ ସାମାଜିକ ସ୍ଥିତିର ଉନ୍ନତ କରିବା ପାଇଁ ରାଜ୍ୟ ସରକାର ବିଭିନ୍ନ ଯୋଜନା କରିଛନ୍ତି ସରକାରଙ୍କ ବିଭିନ୍ନ ବିଭାଗର ସହଭାଗିତାରେ ଯୋଜନାଗୁଡ଼ିକ କାର୍ଯ୍ୟକାରୀ କରାଯାଉଛି । ଏହି କାର୍ଯ୍ୟକାରିତାର ସଫଳ ରୂପାୟନ ଦେଖିବାକୁ ମିଳିଛି ସମ୍ବଲପୁର ଜିଲ୍ଳା ମାନେଶ୍ୱର ବ୍ଲକ୍ ସାହାସପୁର ପଞ୍ଚୟତ ସାଲେସିଂ ଗ୍ରାମରେ । ଓଡ଼ିଶା ବନାଞ୍ଚଳ ଉନ୍ନୟନ ପ୍ରକଳ୍ପ ଏହି ଗ୍ରାମକୁ ୨୦୧୮ ରେ ହାତକୁ ନେଇଥିଲେ ।
ସେତେବେଳେ ଗ୍ରାମର ଉନ୍ନତି କରିବା ସହ ଲୋକଙ୍କର ଜୀବନ ଜୀବିକା ଉନ୍ନତି ସହ ଏହି ଦାୟିତ୍ୱ ନିଆଯାଇଥିଲା ଗ୍ରାମ ନିକଟରେ ଥିବା ଶୁଗୁଲିଆ ଶିକ ନାମକ ଲଣ୍ଡା ପାହାଡ଼କୁ ସବୁଜିମା କରିବା ଲକ୍ଷ୍ୟ ଥିଲା । ଏବେ ଏହି ଲକ୍ଷ୍ୟ ପୂରଣ ହୋଇଛି । ଲଣ୍ଡା ପାହଡ଼ ସବୁଜିମା ହୋଇଥିବା ବେଳେ ଗ୍ରାମର ଅଧିକାଂଶ ପରିବାର ସଦସ୍ୟ ବିଭିନ୍ନ ଯୋଜନାରେ ସାମିଲ ହୋଇ ଲାଭ ପାଉଛନ୍ତି । ଏହା ଦ୍ୱାରା ଆର୍ଥିକ ଓ ସାମାଜିକ ସ୍ଥିତିର କ୍ଷେତ୍ରରେ ସୁଧାର ଆସିଛି ବୋଲି ସ୍ଥାନୀୟ ଲୋକ କହିଛନ୍ତି ।
