କାଠଗଣ୍ଡି ଜବତ

ବଲାଙ୍ଗିର (ବଡ଼ ଖବର ବ୍ୟୁରୋ): ହରିଶଙ୍କର ରେଞ୍ଜ ଅନକାମରା ଗାଁ ନିକଟ କପାସିଆ ଜଙ୍ଗଳରୁ ଜଙ୍ଗଲବିଭାଗ ୩୫ ଖଣ୍ଡ ପିଆଶାଳ କାଠଗଣ୍ଡି ଜବତ କରିଛି । କପାସିଆ ଜଙ୍ଗଲରେ ୧୩ଟି ପିଆଶାଳ ଗଛ କେହି କାଟିଦେଇଥିବା ଜଙ୍ଗଲ ବିଭାଗ ଖବର ପାଇଥିଲେ । ଘଟଣାସ୍ଥଳକୁ ଯାଇ ଗଛଗୁଡ଼ିକୁ ଖପ୍ରାଖୋଲ ରେଞ୍ଜ କାର୍ଯ୍ୟାଳୟକୁ ଆଣିଥିଲେ । ୧୩ଟି ପିଆଶାଳ ଗଛ, ୩୫ ଟି କାଠଗଣ୍ଡି ଥିବାବେଳେ ଆନୁମାନିକ ୪୫ ସିଏଫଟି କାଠ ରହିଛି । ଏହାର ଆନୁମାନିକ ମୂଲ୍ୟ ପ୍ରାୟ ୪୫ ହଜାର ଟଙ୍କା ହେବ ବୋଲି ହରିଶଙ୍କର ରେଞ୍ଜ ଅଧିକାରୀ ଶ୍ରୀବତ୍ସ କୁମୁରା ପ୍ରକାଶ କରିଛନ୍ତି । ଏ ନେଇ ହରିଶଙ୍କର ରେଞ୍ଜର ଏକ ମାମଲା ରୁଜୁ କରିଛନ୍ତି ।