ଆଜି ଶ୍ରୀମନ୍ଦିର ପରିଚାଳନା କମିଟି ବୈଠକ, ଉପସ୍ଥାପନା ହେବ ବଜେଟ
ପୁରୀ (ବଡ଼ ଖବର ବ୍ୟୁରୋ): ଆଜି ଶ୍ରୀମନ୍ଦିର ପରିଚାଳନା କମିଟି ବୈଠକ । ଉପସ୍ଥାପନା ହେବ ଶ୍ରୀମନ୍ଦିର ବଜେଟ । ୨୦୨୧-୨୨ ଆର୍ଥିକ ବର୍ଷର ବଳକା ବଜେଟ ଉପସ୍ଥାପନା ହେବ । ଚଳିତ ଆର୍ଥିକ ବର୍ଷ ପାଇଁ ୧୯୦ କୋଟି ୨୬ ଲକ୍ଷର ବଳକା ବଜେଟ ଅଟକଳ କରାଯାଇଛି । ବଜେଟରେ କୋଭିଡ କାଳୀନ ଅତିରିକ୍ତ ଖର୍ଚ୍ଚ ଶ୍ରୀମନ୍ଦିର ପ୍ରଶାସନର ଆୟର ଉତ୍ସ ଏବଂ ବ୍ୟୟ ଅଟକଳ ଉପରେ ବିଶେଷ ଆଲୋଚନା କରାଯିବ ।
ଖଣି ଖାଦାନରୁ ୧୫ କୋଟି ଟଙ୍କା ଆୟ ରହିଛି । ପରିବେଶ ମଞ୍ଜୁରି ମିଳିଥିବାରୁ ଖଣିରୁ ଅଧିକ ଅର୍ଥ ମିଳିବା ଆଶା । ଏବଂ ସେବାୟତ, ବରିଷ୍ଠ ଅଧିକାରୀ ଓ ଜେଟିପିଙ୍କ ଡ୍ରେସକୋଡ୍ ଉପରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇପାରେ । ସେବାୟତମାନେ ପାଟ ମକୁଟ ପରିଧାନ କରିବେ।
ମୁଖ୍ୟ ପ୍ରଶାସକ, ଉପମୁଖ୍ୟ ପ୍ରଶାସକ, ଏସପି, ନୀତି ପ୍ରଶାସକ, ଉନ୍ନୟନ ପ୍ରଶାସକ ଆଦି ବରିଷ୍ଠ ଅଧିକାରୀମାନେ ଧଳା ପାଇଜାମା ଓ କୁର୍ତ୍ତା ପରିଧାନ କରି ଗର୍ଭଗୃହକୁ ପ୍ରବେଶ କରିବେ। ତେବେ ପରିଚାଳନା କମିଟି ବୈଠକରେ ଚୁଡାନ୍ତ ଡ୍ରେସକୋଡ ଉପରେ ଲାଗି ପାରେ ମୋହର ।
