ପୁଟିନଙ୍କୁ ଭେଟିଲେ ଏନଏସଏ

ନୂଆଦିଲ୍ଲୀ : ଆଜି ମସ୍କୋରେ ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଭେଟିଛନ୍ତି ଭାରତୀୟ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ । ଏହି ସାକ୍ଷାତକାର ଉଭୟ ଦେଶ ମଧ୍ୟରେ ଦ୍ୱିପାକ୍ଷିକ ଏବଂ ଆଞ୍ଚଳିକ ପ୍ରସଙ୍ଗ ଉପରେ ଆଲୋଚନା କରିବା ସହ ଉଭୟ ଦେଶ ରଣନୈତିକ ଭାଗିଦାରୀ ଦିଗରେ କାର୍ୟ୍ୟ ଜାରି ରଖିବାକୁ ସହମତି ପ୍ରକାଶ କରିଛନ୍ତି । ୟୁକ୍ରେନ ସହ ଯୁର୍ଦ୍ଧ କାରଣରୁ ପାଶ୍ଚାତ୍ୟ ଦେଶମାନେ ରୁଷକୁ ସମ୍ପୁର୍ଣ୍ଣ ଏକ ଘରକିଆ କରିଥିବାବେଳେ ଭାରତ ନିଜର ସମ୍ପର୍କ ବଜାଇ ରଖିଛି ।

ଉଭୟ ଦେଶ ମଧ୍ୟରେ ଦ୍ୱିପାକ୍ଷିକ ଏବଂ ଆଞ୍ଚଳିକ ପ୍ରସଙ୍ଗକୁ ନେଇ ଆଲୋଚନା ହୋଇଥିବା କହିଛି ଋଷରେ ଥିବା ଭାରତୀୟ ଦୂତାବାସର । ହେଲେ ଏହି ସାକ୍ଷାତକୁ ନେଇ କୌଣସି ନିର୍ଦ୍ଦିଷ୍ଟ ସୂଚନା ଦିଆଯାଇନାହିଁ । ଏନଏସଏ ଅଜିତ ଡୋଭାଲଙ୍କ ଗସ୍ତର ୩ମାସ ପୂର୍ବରୁ ବିଦେଶମନ୍ତ୍ରୀ ଏସ୍ ଜୟଶଙ୍କର ମଧ୍ୟ ରୁଷ ଗସ୍ତରେ ଯାଇଥିଲେ । ସେତେବେଳେ ଉଭୟ ଦେଶ ମଧ୍ୟରେ ଅର୍ଥନୈତିକ କ୍ଷେତ୍ରରେ ଅନେକ ଚୁକ୍ତିନାମା ହୋଇଥିଲା ।