ପ୍ରଚାର ମଇଦାନକୁ ଓହ୍ଲାଇବେ ଅମିତ ଶାହ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପ୍ରଚାର ମଇଦାନକୁ ଓହ୍ଲାଇବେ ଅମିତ ଶାହ । ଫେବୃଆରୀ ୧୬ରେ ତ୍ରିପୁରା ବିଧାନସଭା ନିର୍ବାଚନ । ପ୍ରଚାର ମଇଦାନକୁ ଓହ୍ଲାଇଲେଣି ହେବିୱେଟ ନେତା । ଦିନ ଯେତିକି ପାଖଉଛି ସେତିକ କମ୍ପୁଛି ପ୍ରଚାର ମଇଦାନ । ତ୍ରିପୁରାରେ ନିର୍ବାଚନ ପ୍ରଚାର ପାଇଁ ଷ୍ଟାର କ୍ୟାମ୍ପନର ତାଲିକା ପ୍ରକାଶ ପରେ ଜୋରଦାର ହୋଇଛି ପ୍ରଚାର । ଶନିବାର ବିଜେପି ପାଇଁ ପ୍ରଧାନମନ୍ତ୍ରୀ ମୋଦି ପ୍ରଚାର ମଇଦାନକୁ ଓହ୍ଲାଇଥିବା ବେଳେ ଆଜି କେନ୍ଦ୍ର ଗୃହମନ୍ତ୍ରୀ ଅମିତ ଶାହ ନିର୍ବାଚନ ପ୍ରଚାର କରିବେ ।

ତ୍ରିପୁରାରେ ଦୁଇଟି ରାଲିରେ ସାମିଲ ହେବା ସହ ସମ୍ବୋଧନ କରିବେ ଅମିତ ଶାହ । ତ୍ରିପୁରାରେ ପହଞ୍ଚିବା ପରେ ପ୍ରଥମେ ଉଦୟପୁରରେ ଥିବା ମାତା ତ୍ରିପୁରା ସୁନ୍ଦରୀ ମନ୍ଦିର ପରିଦର୍ଶନ କରିବେ । ଏହାପରେ ମାଧ୍ୟାହ୍ନରେ ଉନ୍ନାକୋଟି ଜିଲ୍ଲାର ଚଣ୍ଡିପୁରରେ ପ୍ରଥମ ନିର୍ବାଚନୀ ରାଲିକୁ ସମ୍ବୋଧିତ କରିବେ । ଅପରାହ୍ନ ୨ଟା ସମୟରେ ସେପାହିଜାଲା ଜିଲ୍ଲାର ବିଶ୍ରାମଗଞ୍ଚରେ ଆଉ ଏକ ରାଲିକୁ ସମ୍ବୋଧିତ କରିବେ । ଅପରାହ୍ନ ୪ ଟାରେ ପ୍ରତାପଗଡ ନିର୍ବାଚନ ମଣ୍ଡଳୀରେ ଏକ ରୋଡ ଶୋ କରିବାର କାର୍ଯ୍ୟକ୍ରମ ରହିଛି ।