ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦିଲ୍ଲୀ ଏମସିଡି ନିର୍ବାଚନକୁ ନେଇ ବଡନିଷ୍ପତ୍ତି । ରାୟ ଶୁଣାଇଲେ ସୁପ୍ରିମକୋର୍ଟ । ଯାହା ଚାହୁଁଥିଲା ଆପ୍ ତାହା ହିଁ ହେଲା । ରାଜ୍ୟପାଳ ଦ୍ୱାରା ନିଯୁକ୍ତ ଦିଲ୍ଲୀ ପୌର ସଂସ୍ଥାର ସଦସ୍ୟମାନେ ମେୟର ଚୟନ ପାଇଁ ନିର୍ବାଚନରେ ଭୋଟ୍ ଦେଇପାରିବେ ନାହିଁ ବୋଲି ଶୀର୍ଷ ଅଦାଲତ ସୁପ୍ରିମ୍କୋର୍ଟ ରାୟ ଦେଇଛନ୍ତି । ଆମ୍ ଆଦମୀ ପାର୍ଟି ଅଭିଯୋଗ କରିଥିଲା ଯେ ଭାରତୀୟ ଜନତା ପାର୍ଟି ଜଣେ ବିଜେପି ନେତାଙ୍କୁ ମେୟର ପଦରେ ନିର୍ବାଚିତ କରି ପୌର ସଂସ୍ଥାକୁ ଦଖଲ କରିବାକୁ ଚେଷ୍ଟା କରୁଛି।
ଡିସେମ୍ବରରେ ଦିଲ୍ଲୀ ମ୍ୟୁନିସିପାଲ କର୍ପୋରେସନ ନିର୍ବାଚନରେ ଆପ୍ ବିଜେପି ତୁଳନାରେ ବହୁତ ଅଧିକ ଆସନ ଜିତିଥିଲା । ଉପରାଜ୍ୟପାଳ ଭିକେ ସକ୍ସେନାଙ୍କ ଦ୍ୱାରା ନିଯୁକ୍ତ କାଉନସିଲ ସଦସ୍ୟମାନେ ମେୟର ଚୟନ ପାଇଁ ହେଉଥିବା ନିର୍ବାଚନରେ ଭୋଟ୍ ଦେବାକୁ ଚେଷ୍ଟା କରିଥିଲେ, ଯାହାକୁ ଆପ୍ ବିରୋଧ କରିଥିଲା ଏବଂ ଏହାକୁ ନେଇ ଗୃହରେ ବିଶୃଙ୍ଖଳା ଦେଖାଦେଇଥିଲା। ଶେଷରେ ମେୟର ଚୟନ ପାଇଁ ନିର୍ବାଚନକୁ ସ୍ଥଗିତ ରଖା ଯାଇଥିଲା।
