କୁକୁର କାମୁଡ଼ିଲେ ମାଲିକ ଦେବେ ୧୦ ହଜାର ଫାଇନ

ଭୁବନେଶ୍ୱର (ବଡ଼ ଖବର ବ୍ୟୁରୋ):  କୁକୁର ମାଲିକ ଏବେ ହୋଇଯାଆନ୍ତୁ ସାବଧାନ । କୁକୁର କାମୁଡ଼ିଲେ ମାଲିକଙ୍କୁ ଦେବାକୁ ପଡ଼ିବ ୧୦ ହଜାର ଟଙ୍କା । ପ୍ରତିଦିନ ସହରରେ କୁକୁର କାମୁଡ଼ିବା ଘଟଣା ସାମ୍ନାକୁ ଆସୁଛି । ଅନେକ ଅଭିଯୋଗ ମଧ୍ୟ ହେଉଛି । ସହରରେ କୁକୁର କାମୁଡା କମାଇବାପାଇଁ ବିଏମସି ଆଣିଛି ନୂଆ ନିୟମ । ଯେଉଁଥିରେ କୁକୁର କାମୁଡ଼ିଲେ ମାଲିକମାନଙ୍କୁ ୧୦ ହଜାର ଟଙ୍କା ଜରିମାନା ଦେବାକୁ ପଡ଼ିବ ।

ଯାହାକୁ ନେଇ ଶନିବାର ବିଏମସି ଏଭଳି ନିଷ୍ପତ୍ତି ନେଇଛି । ଖାଲି ସେତିକି ନୁହେଁଁ ବିଏମସିର ନିୟମ ଅନୁଯାୟୀ ଗୃହପାଳିତ ପଶୁଙ୍କ ରକ୍ଷାଣାବେକ୍ଷଣ ଏବଂ ପୋଷଣକୁ ନିୟନ୍ତ୍ରଣ କରିବା, ଖୋଲାସ୍ଥାନରେ ଶବ ଫିଙ୍ଗିଲେ ମଧ୍ୟ ଜରିମାନା ଦେବା ପାଇଁ ପଡ଼ିବ । ଏହା ସହିତ ମଧ୍ୟ ସମସ୍ତ ପୋଷା କୁକୁରଙ୍କୁ ୫୦୦ ଟଙ୍କା ଦେଇ ପଞ୍ଜୀକୃତ କରିବାକୁ ପଡ଼ିବ ।