ନୃସିଂହନାଥଙ୍କୁ ପ୍ରାର୍ଥନାକରି କେନ୍ଦ୍ରମନ୍ତ୍ରୀଙ୍କୁ ଏମିତି ଟାର୍ଗେଟ କଲେ ନବୀନ
ଭୁବନେଶ୍ବର(ବଡ଼ ଖବର ବ୍ୟୁରୋ): ଇଲେକ୍ସନ ଆସୁଛି, ବଦଳୁଛି ନବୀନଙ୍କ ତେୱର । ନିଶାନାରେ କେନ୍ଦ୍ର ମନ୍ତ୍ରୀ ସାକ୍ଷୀ ନୃସିଂହନାଥ । କୁହାଯାଏ ନବୀନ ବିରୋଧୀଙ୍କୁ ସମାଲୋଚନା କରନ୍ତି ନାହିଁ କି ସିଧା ଟାର୍ଗେଟ କରନ୍ତି ନାହିଁ । କିନ୍ତୁ ପଦ୍ମପୁରରେ ପଲିଟିକ୍ସ ଯେମିତି ୨୪ ପାଇଁ ନବୀନଙ୍କ ପ୍ରସ୍ତୁତିର ସଙ୍କେତ ଦେଉଥିଲା । ଆଉ ଥରେ ଶୁଣିନିଅନ୍ତୁ ପାଇକମାଳ ମଞ୍ଚରେ ନବୀନଙ୍କ ଭାଷଣର ସେହି ଅଂଶ । ବର୍ଷେ ଭିତରେ ଜିଲ୍ଲା ହେବ ପଦ୍ମପୁର । ବାଇ ଇଲେକ୍ସନରେ ଦିଆଯାଇଥିବା ପ୍ରତିଶୃତିକୁ ଦୋହରାଇଲେ ସିଏମ । ନିଜେ ଯାହା କହିଥିଲେ ତାହା ପାଳନ କରାଯାଉଛି ବୋଲି ବାର୍ତ୍ତା ଦେଇଥିଲେ । ଏସବୁ ନବୀନଙ୍କ ଚିରାଚରିତ ଷ୍ଟାଇଲ ।
କଥାରେ ନୁହେଁ କାମରେ ବିଶ୍ୱାସ କରୁ ବୋଲି ସ୍ଲୋଗାନ ଦେଇ ଭୋଟ ଟାଣିବାର କୌଶଳ ଜାଣନ୍ତି ମୁଖ୍ୟମନ୍ତ୍ରୀ । ନିଜ ଦଳର ସଫଳତା କଥା କହନ୍ତି । ହେଲେ ବିରୋଧୀଙ୍କୁ ସିଧାସଳଖ ଟାର୍ଗେଟ କରିବା ରଣନୀତି ନବୀନଙ୍କ ପାଖରେ ଦେଖିବାକୁ ମଳୁନଥିଲା । ଅବଶ୍ୟ ୨୦୧୭ ପଞ୍ଚାୟତ ନିର୍ବାଚନରେ ବିଜେପିର ଅଭିବୃଦ୍ଧି ଓ ୨୦୧୯ ନିର୍ବାଚନ ପ।ଇଁ ଆଗ୍ରେସନକୁ ଦେଖି ଏଭଳି ସିଧା ଟାର୍ଗେଟ ଷ୍ଟାଇଲ ଦେଖାଇଥିଲେ ନବୀନ । କିନ୍ତୁ ନିର୍ବାଚନ ପରେ ପୁଣି ପୂରୁଣା କୌଶଳକୁ ଫେରିଯାଇଥିଲେ । ଏବେ ୨୪ ନିର୍ବାଚନ ପୂର୍ବରୁ କେନ୍ଦ୍ରମନ୍ତ୍ରୀଙ୍କୁ ସିଧା ଟାର୍ଗେଟ କରି ଲଢେଇରେ ଶଙ୍ଖନାଦ କରିଛନ୍ତି ମୁଖ୍ୟମନ୍ତ୍ରୀ । କେନ୍ଦ୍ରମନ୍ତ୍ରୀମାନଙ୍କୁ ସେମାନଙ୍କ ପ୍ରତିଶୃତିକୁ ମନେପକେଇବାକୁ ନୃସିଂହନାଥଙ୍କୁ ପ୍ରାର୍ଥନା କରିଥିବା କଥା କହିଛନ୍ତି ।
