ବାପାର ତଣ୍ଟି କାଟି ପୁଅ ଫେରାର
ପୋଲସରା (ବଡ଼ ଖବର ବ୍ୟୁରୋ):ନିଜ ଜନ୍ମ କଲା ବାପାର ତଣ୍ଟି କାଟିଛି ପୁଅ । ଏଭଳି ଏକ ଅଭାବନୀୟ ଘଟଣା ଘଟିଛି ଗଞ୍ଜାମ ଜିଲ୍ଲା ବୁଗୁଡା ରେ। ଗୁରୁବାର ଅପରାହ୍ନରେ ବ୍ୟାଘ୍ରଦେବୀ ସାହିର ସୁରେନ୍ଦ୍ର ପ୍ରଧାନଙ୍କୁ କୌଣସି କାରଣ ରୁ ନିଜ ପୁଅ ଧୋବା ଏକ ଧାରୁଆ ଛୁରୀରେ ତଣ୍ଟିକୁ କାଟି ଫେରାର ହୋଇଯାଇଛି । ରକ୍ତ ଜୁଡୁବୁଡ଼ ଅବସ୍ଥାରେ ସୁରେନ୍ଦ୍ରଙ୍କ ଚିତ୍କାର ଶୁଣି ସାହି ପଡିଶା ଲୋକ ନିକଟରେ ଥିବା ଅଗ୍ନିଶମ ଗାଡ଼ିରେ ସୁରେନ୍ଦ୍ରଙ୍କୁ ବୁଗୁଡା ମେଡ଼ିକାଲରେ ଭର୍ତ୍ତି କରିଥିଲେ । ପ୍ରାଥମିକ ଚିକିତ୍ସା ପରେ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ବ୍ରହ୍ମପୁରକୁ ସ୍ଥାନାନ୍ତରିତ କରାଯାଇଛି । ଘଟଣାକୁ ନେଇ ମାମଲା ରୁଜୁ ହୋଇନଥିବା ବେଳେ ଧୋବା ଫେରାର ଅଛି। ସୁରେନ୍ଦ୍ର ଏବେ ଜୀବନ ସହ ଲଢେ଼ଇ କରୁଛନ୍ତି ।
ପୂର୍ବରୁ ମଧ୍ୟ ଧୋବା ବାପା ସୁରେନ୍ଦ୍ରଙ୍କୁ ଆକ୍ରମଣ କରିଥିଲେ । ଧୋବା ଙ୍କ ମାନସିକ ଅବସ୍ଥା ଭଲ ନଥିବା କହିଛନ୍ତି ପରିବାର ଲୋକେ ।