ଉପ-ଅଧିନାୟକ ପଦବୀରୁ ରାହୁଲ ବାଦ୍, ରୋହିତ ବାଛିବେ ନୂଆ ଉପ-ଅଧିନାୟକ
ନୂଆଦିଲ୍ଳୀ (ବଡ଼ ଖବର ବ୍ୟୁରୋ): ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ଭାରତ ଅଧିନାୟକ ରୋହିତ ଶର୍ମାଙ୍କୁ ଇନ୍ଦୋର ଏବଂ ଅହମ୍ମଦାବାଦରେ ଅଷ୍ଟ୍ରେଲିଆ ବିପକ୍ଷ ଦୁଇଟି ଟେଷ୍ଟ ମ୍ୟାଚ୍ ପାଇଁ ନୂଆ ଉପ-ଅଧିନାୟକ ସ୍ଥିର କରିବାକୁ କହିଛି । ଏହାର ଅର୍ଥ କେ.ଏଲ୍ ରାହୁଲ ଆଉ ଉପଅଧିନାୟକ ହୋଇନାହାନ୍ତି । ଡିସେମ୍ବରରେ ଯେତେବେଳେ ପ୍ରଥମ ଦୁଇଟି ଟେଷ୍ଟ ମ୍ୟାଚ୍ ପାଇଁ ଦଳ ଘୋଷଣା କରାଯାଇଥିଲା, ସେତେବେଳେ ରାହୁଲଙ୍କୁ ଉପ-ଅଧିନାୟକ ଭାବରେ ନିଯୁକ୍ତ କରାଯାଇଥିଲା। ଏହା ଜାଣିବାକୁ ମିଳିଛି ଯେ ଚୟନକର୍ତ୍ତାମାନେ ଫୋର୍ମରେ ନଥିବା ଖେଳାଳିଙ୍କୁ ଉପ ଅଧିନାୟକ ଭାର ନଦେବାକୁ ନିଷ୍ପତ୍ତି ନେଇଛନ୍ତି।
ତେବେ ଚୟନକର୍ତ୍ତା କୌଣସି ଉପ ଅଧିନାୟକ ନରଖି ସମସ୍ତ କ୍ଷମତା ରୋହିତଙ୍କୁ ଦେବାପାଇଁ ନିଷ୍ପତି ନେଇଛନ୍ତି । କିନ୍ତୁ ଯଦି କୌଣସି କାରଣରୁ ରୋହିତ ବାଉଣ୍ଡ୍ରି ବାହାରେ ରୁହନ୍ତି ତେବେ ଯିଏ ଦଳର ନେତୃତ୍ୱ ନେବ ତାଙ୍କୁ ରୋହିତ ଚୟନ କରିବେ । ରଣଜୀ ଟ୍ରଫି ଫାଇନାଲ୍ ଦେଖୁଥିବା କୋଲକାତା ଯାଇଥିବା ବରିଷ୍ଠ ଚୟନ କମିଟି ସଦସ୍ୟମାନେ ତୃତୀୟ ଏବଂ ଚତୁର୍ଥ ଟେଷ୍ଟ ମ୍ୟାଚ୍ ପାଇଁ ଦଳ ବାଛିବାକୁ ଦିଲ୍ଲୀ ଆସିଛନ୍ତି । ତେବେ ଷ୍ଟିଙ୍ଗ୍ ଅପରେସନ୍ ପରେ ଚୟନକର୍ତ୍ତାଙ୍କ ଅଧ୍ୟକ୍ଷ ଚେତନ ଶର୍ମା ଇସ୍ତଫା ଦେବା ପରେ ଏହି ବୈଠକରେ ଭାରତର ପୂର୍ବତନ ଓପନର୍ ଏସ୍ ଦାସ ଅଧ୍ୟକ୍ଷତା କରିଥିଲେ।