ସହକାରୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ରେଡ୍

ବାଲେଶ୍ୱର(ବଡ଼ ଖବର ବ୍ୟୁରୋ): ବାଲେଶ୍ୱର ସହକାରୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ରେଡ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ କରାଯାଇଛି । ପୂର୍ତ୍ତ ବିଭାଗର ସହକାରୀ ଯନ୍ତ୍ରୀ ଅଜୟ ସେନାପତିଙ୍କ ଘରେ ଚଢାଉ ଜାରି ରହିଛି । ଅଜୟଙ୍କ ଭଡାଘର, ପୈତୃକ ଘର ସମେତ ବାଲେଶ୍ୱର-ପୁରୀ-ଖୋର୍ଦ୍ଧା ସହ ୭ଟି ସ୍ଥାନରେ ଏକା ସାଙ୍ଗରେ ଚଢାଉ ଚାଲିଛି । ଅଜୟ ବାଲେଶ୍ୱର ପୂର୍ତ୍ତ ବିଭାଗ ଡିଭିଜନ୍-୨ରେ ସହକାରୀ ଯନ୍ତ୍ରୀ ଭାବରେ କାର୍ଯ୍ୟରତ ଅଧିକାରୀ ଥିଲେ । ଚଢାଉ ବେଳେ ବାଲେଶ୍ୱର ଭଡ଼ାଘରୁ ୧ ଲକ୍ଷ ୨୫ ହଜାର ରୁ ଉର୍ଦ୍ଧ ଟଙ୍କା ସମେତ ସୁନା ଓ ରୂପା ଅଳଙ୍କାର, ୭ ଟି ଏଟିଏମ କାର୍ଡ , ଗୋଟିଏ ଦାମୀ କାର ସହ କେତେକ ବ୍ୟାଙ୍କ ପାସବୁକ ଭିଜିଲାନ୍ସ କୁ ମିଳିଥିବା ସୂଚନା ରହିଛି ।