ଆମେରିକାକୁ ୩୫୦ କୋଟି ଫେରସ୍ତ ମାଗିଲା ତାଲିବାନ୍

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆମେରିକାକୁ ୩୫୦ କୋଟି ଫେରସ୍ତ ମାଗିଲା ତାଲିବାନ୍ । ଆଫଗାନିସ୍ତାନର ତାଲିବାନ ସରକାର ୩୫୦ କୋଟି ଡଲାର ଫେରାଇବା ପାଇଁ ଆମେରିକାକୁ କହିଛି । ନ୍ୟୁୟର୍କ କୋର୍ଟଙ୍କ ଦ୍ୱାରା ରାୟ ପ୍ରକାଶ ପରେ ତାଲିବାନ୍ ଏହି ଅର୍ଥ ମାଗିଛି । ୨୦୨୧ ଅଗଷ୍ଟରେ ଆତଙ୍କୂ ଗୋଷ୍ଠୀ ତାଲିବାନ୍ ଆଫଗାନିସ୍ତାନକୁ କବଜା କରିଥିଲା । ଏହାପରେ ଆମେରିକା ଆଫଗାନ୍ ସମ୍ପତ୍ତିକୁ ନିଜ ନିୟନ୍ତ୍ରଣକୁ ନେଇ ଯାଇଥିଲା ।

ଏହି ସମୟରେ ଆମେରିକା ରାଷ୍ଟ୍ରପତି ଜୋ ବାଇଡେନ କହିଥିଲେ ଯେ ଉକ୍ତ ପାଣ୍ଠିକୁ ୯/୧୧ ପୀଡ଼ିତଙ୍କ ପରିବାରକୁ ସହାୟତା ଲାଗି ବ୍ୟବହାର କରାଯିବ । ୯/୧୧ ଆକ୍ରମଣ ଦ୍ୱାରା କିଛି ପୀଡ଼ିତଙ୍କ ପରିବାର ଲୋକ ତାଲିବାନ ବିରୋଧରେ ମକଦ୍ଦମା କରିଥିଲେ । ଏଥିରେ ସେମାନେ ଜିତିଥିଲେ । କିନ୍ତୁ ନ୍ୟୁୟର୍କ ଫେଡେରାଲ କୋର୍ଟ ବିଚାରପତି ଜର୍ଜ ଡାନିଏଲ୍ସ ନିଜ ରାୟରେ ଏହି ଆଫଗାନ କେନ୍ଦ୍ରୀୟ ବ୍ୟାଙ୍କର ଅର୍ଥକୁ ଜବତ କରିବା କ୍ଷମତା କୋର୍ଟଙ୍କର ନାହିଁ ବୋଲି କହିଥିଲେ ।