୧୫ ମିନିଟରେ ୪ କୋଟି

ଭୁବନେଶ୍ୱର(ବଡ଼ ଖବର ବ୍ୟୁରୋ): ନୂଆବର୍ଷରେ ଅଭିନେତ୍ରୀ ଉର୍ବଶୀ ରୋଟାଲାଙ୍କୁ ମିଳିଛି ଏକ ବଡ ଉପହାର । ଲଭ ଡ଼ୋଜ ଆଲବମର ଅଭିନେତ୍ରୀ ଉର୍ବଶୀ ରୋଟାଲା ନିକଟରେ ନୂଆବର୍ଷ ଉତ୍ସବରେ ଯୋଗ ଦେବାକୁ ଯାଇଥିଲେ । ଯୋଗ ଦେବା ଅବସରରେ ୪ କୋଟି ଟଙ୍କା ନେଇଥିବା ଜଣାପଡିଛି । ସେ ପୁଣି ମାତ୍ର ୧୫ ମିନିଟ ପାଇଁ । ଏଭଳି ଉତ୍ସବରେ ବଲିଉଡ କଳାକାରମାନେ ଯୋଗ ଦେଇ ୨୦ ରୁ ୩୦ ଲକ୍ଷ ଟଙ୍କା ନେଉଥିବା ବେଳେ ଉର୍ବଶୀ ସୋ’ ପିଛା ନେଉଥିବା ଟଙ୍କା ଶୁଣି ଫ୍ୟାନମାନେ ଆଶ୍ଚର୍ଯ୍ୟ ହୋଇଯାଇଛନ୍ତି।

୨୦୧୩ ମସିହାରେ ‘ସାହାବ ଦି ଗ୍ରେଟ ସନି ଦେଓଲ’ ଫିଲ୍ମ ଜରିଆରେ ଅଭିନୟ ଆରମ୍ଭ କରିଥିଲେ । ପରେ ଅନେକ ହିଟ ଫିଲ୍ମ ମଧ୍ୟ ଦର୍ଶକଙ୍କୁ ଭେଟି ଦେଇଛନ୍ତି । ବର୍ତ୍ତମାନ ରାପ୍ ସିଙ୍ଗର ହନି ସିଂଙ୍କ ଆଲବମ ଜରିଆରେ ପୁଣି ଚର୍ଚ୍ଚାକୁ ଆସିଛନ୍ତି ।