ଚାଲି ଚାଲି ଲୋକଙ୍କ ପାଖରେ ପହଞ୍ଚିଲେ ପ୍ରଶାସନିକ ଅଧିକାରୀ

ଲକ୍ଷ୍ମୀପୁର(ବଡ଼ ଖବର ବ୍ୟୁରୋ): ଦୁର୍ଗମ ଅଞ୍ଚଳକୁ ଚାଲି ଚାଲି ଯାଇ ଲୋକଙ୍କ ସମସ୍ୟା ବୁଝିଲେ ଲକ୍ଷ୍ମୀପୁର ବିଡ଼ିଓ ପ୍ରୀତିରଞ୍ଜନ ରଥ । ଲକ୍ଷ୍ମୀପୁର ବ୍ଲକର କୁଟିଙ୍ଗା ପଞ୍ଚାୟତର ଦୁର୍ଗମ ବନ ପାହାଡ଼ ଘେରା ସାଫାଆମ୍ବ ଓ ରୋହିଆମ୍ବରେ ପହଞ୍ଚି ବିଡ଼ିଓ ପ୍ରୀତି ରଞ୍ଜନ ରଥ ଲୋକଙ୍କ ସମସ୍ୟା ପଚାରି ବୁଝିଥିଲେ । ସାଥୀରେ ଥିଲେ ଆସିଷ୍ଟାଣ୍ଟ ଇଞ୍ଜିନିୟର ପଭନ କୁମାର, ମହିଳା କନିଷ୍ଠ ଯନ୍ତ୍ରୀ ଶ୍ରାବଣୀ ପାଢ଼ୀ ଓ ଅନ୍ୟ କର୍ମଚାରୀ । ଏହି ଦୁଇ ଗାଁକୁ ରାସ୍ତା ନାହିଁ ।

ନାମକୁ ମାତ୍ର ରାଜସ୍ଵ ଗ୍ରାମର ମାନ୍ୟତା ଦିଆଯାଇଛି । ବିଡ଼ିଓ ବାସ୍ତବ ଚିତ୍ର ଦେଖି ପ୍ରଥମ ପର୍ୟ୍ୟାୟରେ ୧୦ ପରିବାରକୁ ଆବାସ ଯୋଜନାରେ ସାମିଲ କରିଛନ୍ତି । ରାସ୍ତା ଓ ପାଣି ଯୋଗାଇ ବୋଆଯାଇଛି ବୋଲି ଲକ୍ଷ୍ମୀପୁର ବିଡ଼ିଓ କହିଛନ୍ତି । ଏ ଭଳି ପ୍ରୟାସ ପାଇଁ ଲକ୍ଷ୍ମୀପୁର ବିଡ଼ିଓଙ୍କୁ ଚାରିଆଡ଼େ ପ୍ରଶଂସାର ସୁଅ ଛୁଟୁଛି ।