ଅଙ୍ଗନୱାଡି କେନ୍ଦ୍ରରେ ବ୍ୟାପକ ଅନିୟମିତତା, ପିଲାଙ୍କ ଖାଦ୍ୟକୁ ବି ଛାଡ଼ିଲେ ନାହିଁ

ଜଗତସିଂହପୁର (ବଡ଼ ଖବର ବ୍ୟୁରୋ):  ଅଙ୍ଗନୱାଡି କେନ୍ଦ୍ରରେ ବ୍ୟାପକ ଅନିୟମିତତା । ଶିଶୁ ଖାଦ୍ୟକୁ ବି ଛାଡିଲେ ନାହିଁ ଅଙ୍ଗନୱାଡି କର୍ମୀ ଓ ଉପରସ୍ତ ଅଧିକାରୀ । ଯାହାକୁ ତୀବ୍ର ବିରୋଧ କରିଛନ୍ତି ଅଭିଭାବକ ଓ ଗ୍ରାମବାସୀ । ଏଭଳି ଅଭିଯୋଗ ଆସିଛି ଜଗତସିଂହପୁର ଜିଲ୍ଲା କୋରୁଅ ପଞ୍ଚାୟତର ତ୍ରିମୁଣ୍ଡାପାରି ମିନି ଅଙ୍ଗନବାଡି କେନ୍ଦ୍ରରେ । ରାଜ୍ୟ ବାହାରେ ରହି ପାଠ ପଡୁଥିବା ପିିଲାଙ୍କ ନାମରେ ଜାଲି ଦସ୍ତଖତ କରି ଖାଦ୍ୟ ହଡପ କରାଯାଉଥିବା ଅଭିଯୋଗ ହୋଇଛି । ଏହାର ଉପରିସ୍ଥ ତଦନ୍ତ ଦାବି କରିଛନ୍ତି ଗ୍ରାମବାସୀ । ସେପଟେ ଏହି ଘଟଣାକୁ ନେଇ ପ୍ରତିକି୍ରୟା ରଖିଛନ୍ତି ଅଙ୍ଗନୱାଡି କର୍ମୀ ।

କହିଛନ୍ତି ଅଙ୍ଗନୱାଡି କେନ୍ଦ୍ରକୁ ଆମେ ଠିକ ଭାବରେ ପରିଚାଳନା କରୁଛୁ ଆମ ଉପରେ ମିଥ୍ୟା ଅଭିଯୋଗ ଆଣୁଛନ୍ତି ଅଭିଭାବକ ଓ ଗ୍ରାମବାସୀ । ଏ ବିଷୟରେ ବ୍ଲକ ସମ୍ମାନିତ ଶିଶୁ ବିକାଶ ପ୍ରକଳ୍ପ ଅଧିକାରୀଙ୍କ ସହିତ ଯୋଗାଯୋଗ କରିବାରୁ ସେ ଏହି ଘଟଣା ର ତଦନ୍ତ କରାଯାଇ ଜିଲ୍ଲା ମୁଖ୍ୟ ଶିଶୁ ବିକାଶ ପ୍ରକଳ୍ପ ଅଧିକାରୀଙ୍କୁ ଦିଆ ଯାଇଥିବାର ସେ କହିଥିଲେ । ତେବେ ଆଗାମୀ ଦିନରେ ଏହି ଘଟଣାର ପର୍ଦାଫାଶ କରାନଗଲେ ଆଗାମୀ ଦିନରେ ଅଭିଭାବକ ଓ ଗ୍ରାମବାସୀ ବ୍ଲକ ଓ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେବା ପାଇଁ ଚେତାବନୀ ଦେଇଛନ୍ତି ।