ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବଢ଼ିଲା ଇମ୍ରାନଙ୍କ ଚିନ୍ତା । କୌଣସି ମୁହୂର୍ତ୍ତରେ ଗିରଫ ହୋଇପାରନ୍ତି ଇମ୍ରାନ ଖାନ୍ । ତୋଷଖାନା ମାମଲାରେ ଜାମିନ ବିହୀନ ଗିରଫ ନିଷ୍ପତ୍ତି ବିରୋଧରେ ଇମ୍ରାନ ଦାଖଲ କରିଥିବା ଆବେଦନକୁ ଖାରଜ କରିଛନ୍ତି ଇସଲାମାବାଦ କୋର୍ଟ । ତୋଷଖାନା ମାମଲାରେ ଇମ୍ରାନଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା ଜାରି ହେବା ପରେ ଏହା ବିରୋଧରେ ଇମ୍ରାନଙ୍କ ପକ୍ଷରୁ କୋର୍ଟଙ୍କ ନିକଟରେ ଆବେଦନ କରାଯାଇଥିଲା । ସେପଟେ ମାର୍ଚ୍ଚ ୭ ଅର୍ଥାତ୍ ଆଜି ତାରିଖରେ ଇମ୍ରାନ ଯେମିତି ହେଲେ ବି ହାଜର ହେବେ ବୋଲି ଇମ୍ରାନଙ୍କ ଟିମ ପକ୍ଷରୁ କୁହାଯାଇଛି ।
