ବିଜେପିକୁ ଝଟକା, କଂଗ୍ରେସରେ ଯୋଗ ଦେଲେ ପୁଟ୍ଟନା
କର୍ଣ୍ଣାଟକ (ବଡ଼ ଖବର ବ୍ୟୁରୋ): ବିଜେପିକୁ ଝଟକା, କଂଗ୍ରେସରେ ଯୋଗ ଦେଲେ ପୁଟ୍ଟନା । କର୍ଣ୍ଣାଟକରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ଶାସକ ଭାରତୀୟ ଜନତା ପାର୍ଟିକୁ ଏକ ବଡ଼ ଝଟ୍କା ଲାଗିଛି। ବିଧାନ ପରିଷଦର ଚାରିଥର ସଦସ୍ୟ ଥିବା ଭେଟେରାନ ଭାଜପା ନେତା ପୁଟ୍ଟନା ନିଜ ପଦବୀ ତଥା ଦଳରୁ ଇସ୍ତଫା ଦେଇଛନ୍ତି । ପରେ କଂଗ୍ରେସରେ ଯୋଗ ଦେଇଛନ୍ତି। ତାଙ୍କୁ ଏଆଇସିସି ସାଧାରଣ ସମ୍ପାଦକ ରଣଦୀପ ସିଂ ସୁରଜେୱାଲା, ଏଲଓପି ସିଦ୍ଦରମୈୟା ଏବଂ କର୍ନାଟକ କଂଗ୍ରେସ ସଭାପତି ଡି.କେ ଶିବକୁମାର ପ୍ରଦାନ କରିଥିଲେ।
ଗୋଟିଏ ଦିନ ପୂର୍ବରୁ ପୁଟ୍ଟନା ‘ବ୍ୟକ୍ତିଗତ କାରଣ’ ଦର୍ଶାଇ ଏମଏଲସି ଏବଂ ଭାଜପାର ପ୍ରାଥମିକ ସଦସ୍ୟତା ପଦରୁ ଇସ୍ତଫା ଦେଇଥିଲେ।ପୁଟ୍ଟନା ବିଧାନ ପରିଷଦର ଚାରିଥର ସଦସ୍ୟ ରହିଛନ୍ତି। ସେ ବେଙ୍ଗାଲୁରୁ ସହରାଞ୍ଚଳ, ବେଙ୍ଗାଲୁରୁ ଗ୍ରାମୀଣ ଏବଂ ରାମନଗର ଜିଲାର ଶିକ୍ଷକ ନିର୍ବାଚନମଣ୍ଡଳୀରୁ ପ୍ରତିନିଧିତ୍ୱ କରିଛନ୍ତି। ଅକ୍ଟୋବର ୨୦୨୨ରେ ପୁଟ୍ଟନା ବିଧାନ ପରିଷଦକୁ ପୁନଃନିର୍ବାଚିତ ହୋଇଥିଲେ ଏବଂ ତାଙ୍କର କାର୍ୟ୍ୟକାଳ ଅକ୍ଟୋବର ୨୦୨୬ରେ ଶେଷ ହେବ।