ରାକେଶ ଟିକାୟତଙ୍କ ପରିବାରକୁ ହତ୍ୟା ଧମକ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତୀୟ କୃଷକ ୟୁନିୟନର ରାଷ୍ଟ୍ରୀୟ ପ୍ରବକ୍ତା ରାକେଶ ଟିକାୟତ ଓ ତାଙ୍କ ପରିବାରକୁ ପୁଣିଥରେ ଜୀବନରୁ ମାରି ଦେବାକୁ ଧମକ ଦିଆଯାଇଛି । ବୁଧବାର ରାତିରେ ବିକେୟୁର ଅଧ୍ୟକ୍ଷ ନରେଶ ଟିକାୟତଙ୍କ ପୁଅ ଗୌରବ ଟିକାୟତଙ୍କ ଫୋନକୁ ଫୋନ କରି ଏହି ଧମକ ଦିଆଯାଇଛି । ସେ ତାଙ୍କ ଗାଁ ସିସୌଲିରେ ଥିଲାବେଳ ତାଙ୍କୁ ଧମକ ମିଳିଛି । ପରେ ସେ ଫୋନ ସୁଇଚ୍ ଅଫ୍ କରିଦେଇଥିଲେ ।

କିନ୍ତୁ ତାଙ୍କ ଫୋନକୁ କିଛି ଧମକପୂର୍ଣ୍ଣ ମେସେଜ ଆସିଥିଲା । ଏହାକୁ ନେଇ ଟିକାଏତ ପରିବାର ଅଜ୍ଞାତ ବ୍ୟକ୍ତିଙ୍କ ବିରୋଧରେ ଅଭିଯୋଗ କରିଛନ୍ତି । ଏହାପୂର୍ବରୁ ବି ରାକେଶ ଟିକାଏତଙ୍କ ପରିବାରକୁ ହତ୍ୟା ଧମକ ଦିଆଯାଇଥିଲା । ଏଥରର ଧମକକୁ ନେଇ ରାକେଶ ଟିକାୟତ କହିଛନ୍ତି, ପୂର୍ବରୁ ବି ତାଙ୍କୁ ଜୀବନରୁ ମାରି ଦେବାକୁ ଧମକ ଦିଆଯାଇଥିଲା । କେବେ ଛୁରୀରେ ତ କେବେ ଗୁଳି କରି ମାରିଦେବାକୁ ଧମକ ଦିଆଯାଇଥିଲା । ହେଲେ ଏଥର ବୋମାରେ ଉଡାଇ ଦେବାକୁ ଧମକ ଦିଆଯାଇଛି ।