ଭୁବନେଶ୍ୱର(ବଡ଼ ଖବର ବ୍ୟୁରୋ): ଏସଏଚଜି ଗ୍ରୁପ ଟଙ୍କା ନେଇ ସୁଧ କାରବାର କରିବା ପ୍ରସଙ୍ଗରେ ବର୍ଷିଲେ ବିରୋଧୀ ଦଳ ନେତା ଜୟନାରାୟଣ ମିଶ୍ର । ସରକାର ଏସଏଚଜି ଗ୍ରୁପ ଗୁଡିକୁ ଦୁର୍ନୀତି ଗ୍ରସ୍ତ କରିସାରିଲେଣି । ସରକାରୀ କର୍ମଚାରୀଙ୍କ ସ୍ତରରେ ଯେଉଁ ଦୁର୍ନୀତି ଥିଲା ତାକୁ ତଳ ସ୍ତରକୁ ନେଇ ଏସଏଚଜି ଗ୍ରୁପ ଦ୍ୱାରା ଦୁର୍ନୀତି କରୁଛନ୍ତି । ଷ୍ଟାଣ୍ଡିଂ କମିଟି ରିପୋର୍ଟରେ ସତ୍ୟାସତ୍ୟ ରହିଛି ବୋଲି କହିଛନ୍ତି ଜୟନାରାୟଣ । ଗୃହର ନେତା ଗୃହକୁ ସମ୍ମାନ ଦେଉନାହାନ୍ତି ।
ଗୃହ ଚାଲୁଥିବା ବେଳେ ବମ୍ବେ, ରାଉରକେଲା ଯିବାକୁ ତାଙ୍କୁ ସମୟ ହେଉଛି । କିନ୍ତୁ ଗୃହକୁ ସମ୍ମାନ ଦେଇ ଗୃହରେ ରହିବା ସେ କେତେବେଳେ ବି ଉଚିତ ଭାବୁ ନାହାନ୍ତି । ଗୃହର ନେତା ଯଦି ଗୃହକୁ ସମ୍ମାନ ଦେବେନାହିଁ ତେବେ ଗଣତନ୍ତ୍ର କେମିତି ତିଷ୍ଟିବ ବୋଲି ପ୍ରଶ୍ନ କଲେ ଜୟ ନାରାୟଣ । ସେ ମୁଖ୍ୟମନ୍ତ୍ରୀଙ୍କ ଦାୟୀତ୍ୱ ହେଉ ବା ସ୍ବରାଷ୍ଟ୍ର ମନ୍ତ୍ରୀଙ୍କ ଦାୟୀତ୍ୱ ହେଉ । କୌଣସି ଦାୟୀତ୍ୱକୁ ଠିକ୍ ଭାବେ ନିର୍ବାହ କରୁନାହାନ୍ତି ।
