ପ୍ରଧାନମନ୍ତ୍ରୀଙ୍କୁ ଜୟରାମ ରମେଶଙ୍କ ଟାର୍ଗେଟ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କଲେ କଂଗ୍ରେସ ନେତା ଜୟରାମ ରମେଶ । ‘ନରେନ୍ଦ୍ର ମୋଦି ଷ୍ଟାଡିୟମ’ର ନାମକୁ ନେଇ ମୋଦିଙ୍କ ଉପରେ ବର୍ଷିଛନ୍ତି ଜୟରାମ । ସେ ମୋଦିଙ୍କୁ ଟାର୍ଗେଟ କରି ତାଙ୍କ ସମୟର ଏକ ଛତ୍ରବାଦୀ ଶାସକଙ୍କର ଏକ ତାଲିକା ଟୁଇଟରରେ ଶେୟାର କରିଛନ୍ତି । ଯାହାର ଶେଷରେ ପ୍ରଧାନମନ୍ତ୍ରୀଙ୍କ ନାମ ବି ରହିଛି । ଜୟରାମ ରମେଶ କହିଛନ୍ତି ଏଚଆରଏଚସିକୁ ନିଜ ଛବିରେ ନିଜକୁ ସମ୍ମାନିତ କରିବା ଦେଖି ଏହିସବୁ ନେତାମାନଙ୍କ ତାଲିକା ମନେ ପଡେ, ଯେଉଁମାନେ ନିଜ ଜୀବନକାଳ ମଧ୍ୟରେ ଷ୍ଟାଡିୟମର ନାମକରଣ ନିଜ ନାମରେ କରିଥିଲେ । ଜୟରାମ ରମେଶ ଟୁଇଟରରେ ୮ଜଣଙ୍କ ନାମ ଉଲ୍ଲେଖ କରିଛନ୍ତି । ସବୁଠୁ ଶେଷରେ ରହିଛି ପ୍ରଧାନମନ୍ତ୍ରୀ ମୋଦିଙ୍କ ନାମ ।
The PM's recent lap around his namesake stadium should remind us of a list of other leaders who got stadiums named after themselves during their own lifetimes.
1. Stalin
2. Hitler
3. Mussolini
4. Kim Il Sung
5. Muammar Gaddafi
5. Saddam Hussein
6. Recep Erdoğan
7. Narendra Modi— Jairam Ramesh (@Jairam_Ramesh) March 11, 2023
ସର୍ବପ୍ରଥମେ ଏହି ତାଲିକାର ଏକ ନମ୍ବରରେ ରହିଛି ଜୋସେଫ ଷ୍ଟାଲିନଙ୍କ ନାମ, ଏହାପରେ ହିଟଲର, ବେନିଟୋ ମୁସୋଲିନି, କିମ ଇଲ ସୁଙ୍ଗ, ମୁଅମ୍ମର ଗଦ୍ଦାଫି, ସଦ୍ଦାମ ହୁସେନ, ରେସେପ ତୈୟପ ଏର୍ଦ୍ଦେଗନ ଓ ନରେନ୍ଦ୍ର ମୋଦି । ଜୟରାମ ରମେଶ ଗୋଟିଏ ପଟେ ଏସବୁ ନେତାଙ୍କ ସହ ମୋଦିଙ୍କୁ ତୁଳନା କରିଛନ୍ତି । ସେପଟେ ଜୟରାମ ରମେଶଙ୍କ ଏହି ଟୁଇଟ ଉପରେ ଭାଜପା ନେତା ତେଜିନ୍ଦର ସିଂ ସରନ ଜବାବ ଦେଇଛନ୍ତି । ସେ ଲେଖିଛନ୍ତି, ନେହେରୁ ରାଜବଂଶର ପ୍ରଧାନମନ୍ତ୍ରୀ ଆମକୁ ସେହି ନେତାଙ୍କ ତାଲିକାକୁ ମନେପକାଇ ଦେଉଛି, ଯେଉଁମାନେ ସେମାନଙ୍କ ଜୀବନକାଳ ମଧ୍ୟରେ ନିଜ ନାମରେ ଷ୍ଟାଡିୟମ/ପୁରସ୍କାର ରଖିଥିଲେ । ସେ ଆଗକୁ ୯ଟି ନାମ ଲେଖିଥିଲେ । ଯେଉଁଥିରେ ଜବାହରଲାଲ ନେହେରୁ, ଇନ୍ଦିରା ଗାନ୍ଧୀ ଓ ରାଜୀବ ଗାନ୍ଧୀ ସାମିଲ ଥିଲେ ।