ମୋଦି ସରକାର କଂଗ୍ରେସ ଦଳର ପୁରୁଣା ଭୁଲ ସଂଶୋଧନ କରିଛନ୍ତି: ଅନୁରାଗ ଠାକୁର

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପୁଣି ରାହୁଲ ଗାନ୍ଧୀଙ୍କୁ ଟାର୍ଗେଟ କଲେ କେନ୍ଦ୍ରମନ୍ତ୍ରୀ ଅନୁରାଗ ଠାକୁର । ଅନୁରାଗ କହିଛନ୍ତି ମୋଦି ସରକାର କଂଗ୍ରେସ ଦଳର ପୁରୁଣା ଭୁଲ ସଂଶୋଧନ କରିଛନ୍ତି । କର୍ଣ୍ଣାଟକର କୋଲାରରେ ଏକ ସାଧାରଣ ସଭାରେ ସମ୍ବୋଧିତ କରି ସେ ଏଭଳି କହିଛନ୍ତି । ସେ କହିଛନ୍ତି ଯେ ରାହୁଲ ଗାନ୍ଧୀ ବିଦେଶ ଯାଇ ଭାରତୀୟ ମାଟିକୁ ନିଜର ବୋଲି କୁହନ୍ତି ନାହିଁ। ଏମାନେ ସମାନ ଲୋକ, ଯେଉଁମାନଙ୍କ ପାଇଁ ଆଜି କଶ୍ମୀରର ଏକ ଅଂଶ ପାକିସ୍ତାନ ଅଧୀନରେ ଅଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାର କଶ୍ମୀରରୁ ଅନୁଚ୍ଛେଦ ୩୭୦ ଏବଂ ୩୫-ଏ କୁ ହଟାଇ କଂଗ୍ରେସ ଦଳର ପୁରୁଣା ଭୁଲ ସଂଶୋଧନ କରିଛନ୍ତି। କର୍ନାଟକରେ କଂଗ୍ରେସ ସରକାର ଥିବାବେଳେ ରାହୁଲ ଗାନ୍ଧୀ ଏବଂ ସୋନିଆ ଗାନ୍ଧୀ ଏହାକୁ ଏଟିଏମ ଭାବରେ ବ୍ୟବହାର କରିଥିଲେ। ଟଙ୍କା ଏଠାରୁ ଯାଉଥିଲା। ସେ ଆହୁରି ମଧ୍ୟ କହିଛନ୍ତି, ହିନ୍ଦୁସ୍ତାନ ଏରୋନେଟିକ୍ସ ଲିଃକୁ ବନ୍ଦ କରିବାକୁ ରାହୁଲ କହୁଥିଲେ। ଆଜି ଏହା କର୍ଣ୍ଣାଟକରେ ଦେଶର ସବୁଠୁ ବଡ ହେଲିକପ୍ଟର ଉତ୍ପାଦନ କାରଖାନା ଭାବେ ଉଭା ହୋଇଛି।