ଶିକ୍ଷା ସହ କ’ଣ ପାଇଁ ଖେଳ ଖେଳୁଛନ୍ତି: ମୋହନ ମାଝୀ

ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟରେ ଡ୍ରାଇଭର ମହାସଂଘର ଆନ୍ଦୋଳନ ଏବଂ ଶିକ୍ଷକମାନଙ୍କ ବିଧାନସଭା ଘେରାଉକୁ ନେଇ ପ୍ରତିକ୍ରିୟା ରଖିଛନ୍ତି ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ । ଡ୍ରାଇଭର ମହାସଂଘ ପକ୍ଷରୁ ୧୨ଦଫା ଦାବି ନେଇ ରାଜ୍ୟବ୍ୟାପୀ ଚକଅଖ ବନ୍ଦ କରି ରଖିଛନ୍ତି। ସରକାର ଏଠି ବସି କ’ଣ କରୁଛନ୍ତି ବୋଲି ପ୍ରଶ୍ନ କରିଛନ୍ତି ମୋହନ ମାଝୀ । ଡ୍ରାଇଭରର ମାନେ ଯଦି ଷ୍ଟିଅରିଂ ଛାଡି ଦେବେ ତେବେ ସମସ୍ତେ ଏହାର ପରିଣାମ ଭୋଗିବେ।

ଆଉ ବିଳମ୍ବ ନ କରି ବାଚସ୍ପତି ରୁଲିଂ ଦେବା ସହ ସରକାର ତାଙ୍କୁ ଡାକି ଆଲୋଚନା କରିବାକୁ ଦାବି କଲେ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝି। ସେପଟେ ଶିକ୍ଷକ ଆଜି କାନ୍ଦୁଛି । ବିଧାନସଭାକୁ ଘେରାଉ କଲେଣି ଶିକ୍ଷକ । କ’ଣ ପାଇଁ ଚୁପ୍ ସରକାର। ଶିକ୍ଷା ସହ କ’ଣ ପାଇଁ ଖେଳ ଖେଳୁଛନ୍ତି। କାଳ ବିଳମ୍ବ ନକରି ରୁଲିଂ ଦେବାକୁ ଦାବି କରିଛନ୍ତି ମୋହନ ମାଝୀ।