ଡାକ୍ତରଙ୍କ ଅବହେଳା, ଚାଲିଗଲା ଶିଶୁର ଜୀବନ

ବାଲେଶ୍ଵର (ବଡ଼ ଖବର ବ୍ୟୁରୋ): ମେଡ଼ିକାଲରେ ଉତ୍ତେଜନା । ଶିଶୁ ମୃତ୍ୟୁକୁ ନେଇ ବାଲେଶ୍ଵର ଫକୀରମୋହନ ସରକାରୀ ମେଡିକାଲରେ ଉତ୍ତେଜନା । ଡାକ୍ତରଙ୍କ ଓ ନର୍ସଙ୍କ ଅବହେଳା ପାଇଁ ଚାଲିଗଲା ୭ ମାସର ଶିଶୁର ଜୀବନ । ଅଭିଯୋଗ ଆଣିଲେ ପରିବାର ଲୋକେ । ମୃତ ଶିଶୁକୁ ଧରି ଧାରଣାରେ ପରିବାର ଲୋକେ । ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ମାଣିକପୁର ଗାଁର ଜିତେନ୍ଦ୍ର ଗିରି ତାଙ୍କ ୭ ମାସର ଶିଶୁକୁ ବାଲେଶ୍ଵର ମେଡିକାଲରେ ଭର୍ତ୍ତି କରିଥିଲେ ।

ଆଜି ସକାଳ ଶିଶୁଟିର ଅବସ୍ଥା ଅଧିକ ଗୁରୁତର ହେବାରୁ ପରିବାର ଲୋକେ ଡିୟୁଟିରେ ଥିବା ଡାକ୍ତର ଓ ନର୍ସଙ୍କୁ ଡାକିଥିଲେ ମଧ୍ୟ କେହି ଶୁଣିନଥିଲେ । ବିଳମ୍ବରେ ଡାକ୍ତର ପହଞ୍ଚି ଶିଶୁକୁ ଇଞ୍ଜେକସନ ଦେବାର କିଛି ସମୟ ପରେ ମୁତ୍ୟୁ ଘଟିଥିଲା । ତେବେ ଡାକ୍ତର ଓ ନର୍ସଙ୍କ ଅବହେଳା ପାଇଁ ଶିଶୁର ମୃତ୍ୟୁ ଘଟିଛି ବୋଲି ବାପା ଓ ମାଆ ଅଭିଯୋଗ କରିଛନ୍ତି ।