ଦୁର୍ନୀତି ଓ ପିସିକୁ ନେଇ ବିଧାନସଭାରେ ସରଗରମ ଆଲୋଚନା

ଭୁବନେଶ୍ୱର (ବଡ଼ ଖବର ବ୍ୟୁରୋ):ଦୁର୍ନୀତି ଓ ପିସିକୁ ନେଇ ବିଧାନସଭାରେ ସରଗରମ ଆଲୋଚନା । ବିରୋଧୀ ବିଜେପି ଓ କଂଗ୍ରେସ ସରକାରଙ୍କୁ ଘେରିଥିବା ବେଳେ ବିଜେଡି କହିଛି ଅଭିଯୋଗର ସତ୍ୟତା ନାହିଁ । ଦୁର୍ନୀତି ବଢ଼ିଛି ।ସରକାର ନିଜ ଭାବମୂର୍ତ୍ତି ବଞ୍ଚାଇବାରେ ଲାଗିପଡିଛନ୍ତି। ବ୍ଲକସ୍ତରରେ ୨୫ପ୍ରତିଶତ ପିସି ନିଆଯାଉଛି। ପିସିରେ ସରକାର ଚାଲିଛି ବୋଲି ଦୁର୍ନୀତି ସମ୍ପର୍କିତ ମୂଲତବୀ ପ୍ରସ୍ତାବ ପ୍ରସଙ୍ଗରେ ଏଭଳି ସମାଲୋଚନା କରିଥିଲେ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ। ତେଣେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର କହିଥିଲେ ଶ୍ରୀଲିଙ୍ଗରାଜଙ୍କ ଜମିରେ ବେଆଇନ ନିର୍ମାଣ ଚାଲିଛି ।

ମୂଲତବୀ ପ୍ରସ୍ତାବର ଉତ୍ତର ଦେବାକୁ ଯାଇ ସଂସଦୀୟ ବ୍ୟାପାର ମନ୍ତ୍ରୀ ନିରଞ୍ଜନ ପୂଜାରୀ କହିଛନ୍ତି ବିରୋଧୀ ଦଳଙ୍କ ଅଭିଯୋଗ ଆଦୌ ସତ୍ୟ ନୁହେଁ। ଦୁର୍ନୀତିର ମୂଳୋତ୍ପାଦନ ପାଇଁ ସରକାର ସଂକଳ୍ପବଦ୍ଧ । ଦୁର୍ନୀତିଗ୍ରସ୍ତଙ୍କ ବିରୋଧରେ ଦୃଢ ପଦକ୍ଷେପ ନିଆଯାଉଛି। ସଚ୍ଚୋଟତା, ସ୍ୱଚ୍ଛତା ଏବଂ ଉଚ୍ଚ ନୈତିକତା ଉପରେ ସରକାର ବିଶ୍ୱାସ କରନ୍ତି