ଅଦିନିଆ ବର୍ଷା ସାଜିଲା କାଳ

ମାଲକାନଗିରି (ବଡ଼ ଖବର ବ୍ୟୁରୋ): ଅଦିନିଆ ବର୍ଷା ସାଜିଲା କାଳ । ଆସିଲା.. ବର୍ଷିଲା, ଧୋଇନେଲା ଚାଷୀ ଭାଇଙ୍କ ସୁନାର ଫସଲ । ପୁଣି ଆସୁଛି ବର୍ଷା, ଚାଷୀ ଭାଇମାନେ ଏବେ ଛାନିଆ। ଏ ହେଉଛି ମାଲକାନଗିରି ଜିଲ୍ଲା ଏମଭି ୧୫ ଅଞ୍ଚଳର ଦୃଶ୍ୟ । ହାଡ଼ ଭଙ୍ଗା ପରିଶ୍ରମ କରି ଚାଷୀ ଭାଇ ନିଜ ଜମିରେ ପନିପରିବା ଲଗାଇଥିଲେ । ଧାରକରଜ କରି ଏକର ଏକର ଜମିରେ କାକୁଡି, କଖାରୁ, ତରଭୂଜ ଓ ଟମାଟୋ ଚାଷ କରିଥିଲେ । ଫୁଲଫଳ ଆସୁଥିବା ସମୟରେ ଦଇବ ଦାଉ ସାଧିଲା। ସବୁ ପଚିସଢି ନଷ୍ଟ ହେଲା ।

ପୁଣି ଆସୁଛି ଆଉ ଏକ ବର୍ଷା , ଏମିତିରେ ସମସ୍ତେ ଛାନିଆ। ଚାଷୀମାନେ ଆଶା କରିଥିଲେ ଚଳିତ ବର୍ଷ ଫସଲରୁ ଭଲ ଦି ପଇସା ରୋଜଗାର ହେବ । ହେଲେ ଅଦିନିଆ ବର୍ଷା ସବୁ ଧୋଇଦେଲା । ପଶ୍ଚିମାଝଡ ପ୍ରଭାବରେ ଲଗାତର ଭାବରେ ତିନିଦିନ ଧରି ବର୍ଷା ଲାଗିରହିବାରୁ ଏକର ଏକର ଜମି ସମ୍ପୂର୍ଣ୍ଣ ଜଳମଗ୍ନ। ଗଛମୂଳ ପଚିସଢି ଗଛ ସବୁ ମରିଯିବାରୁ ଏବେ ଚିନ୍ତାରେ ଚାଷୀ ।