ଆଉ କିଛି ଘଣ୍ଟାପରେ ସ୍ଥଳଭାଗ ଛୁଇଁବ ବାତ୍ୟା ‘ବିପର୍ଯ୍ୟୟ’

ନୂଆଦିଲ୍ଲୀ  (ବଡ଼ ଖବର ବ୍ୟୁରୋ):  ଆଉ କିଛି ଘଣ୍ଟାପରେ ସ୍ଥଳଭାଗ ଛୁଇଁବ ବାତ୍ୟା । ଭୟଙ୍କର ରୂପ ନେବାରେଲାଗିଛି ‘ବିପର୍ଯ୍ୟୟ’ । ଗୁଜରାଟ ଆଡ଼କୁ ମୁହାଁଇଥିବା ବେଳେ ଆଉ ମାତ୍ର କିଛି ଘଣ୍ଟା ମଧ୍ୟରେ ଏହା ସ୍ଥଳଭାଗ ଛୁଇଁବ ବୋଲି ଜଣାପଡ଼ିଛି। ଗୁଜରାଟରେ ପ୍ରବଳ ବର୍ଷା ଓ ପବନ ଆରମ୍ଭ ହୋଇଛି । ପାଣିପାଗ କାର୍ଯ୍ୟାଳୟ ସୌରାଷ୍ଟ୍ର ଏବଂ କଚ୍ଛ ଉପକୂଳ ପାଇଁ ରେଡ ଆଲର୍ଟ ଜାରି କରିଛି। ଆଜି ରାତି ସୁଧା ବାତ୍ୟା ‘ବିପର୍ୟ୍ୟୟ’ ଗୁଜରାଟର ଜଖଉ ବନ୍ଦର ଅତିକ୍ରମ କରିବ ବୋଲି ପାଣିପାଗ ବିଭାଗରୁ ସୂଚନା ମିଲିଛି । ଏପର୍ୟ୍ୟନ୍ତ ପ୍ରାୟ ୧ଲକ୍ଷ ଲୋକଙ୍କୁ ସ୍ଥାନାନ୍ତର କରାଯାଇଛି।