ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପଳାତକ ଅମୃତପାଲ ସିଂଙ୍କୁ ସର୍ଭିଲାନ୍ସ ଲିଷ୍ଟରେ ସାମିଲ କରିଛନ୍ତି ନେପାଳ ସରକାର । ଅମୃତପାଲ ସିଂଙ୍କୁ ନେଇ ନେପାଳରେ ହାଇ ଆଲର୍ଟ ଜାରି କରାଯାଇଛି । ଭାରତ ସରକାରଙ୍କ ଅପିଲ ପରେ ନେପାଳ ସରକାର ଏହି କାର୍ୟ୍ୟାନୁଷ୍ଠାନ ଗ୍ରହଣ କରିଛନ୍ତି । ଅମୃତପାଲ ନେପାଳରେ ଲୁଚି ରହିଥିବା ଅନୁମାନ କରାଯାଉଛି । ନେପାଳରୁ ଅନ୍ୟ ଦେଶକୁ ଲୁଚିଛପି ପଳାଇ ଯାଇପାରନ୍ତି ବୋଲି ଯାଞ୍ଚ ଏଜେନ୍ସି ଅନୁମାନ କରିଛି । ନେପାଳର ଇମିଗ୍ରେଶନ ବିଭାଗ ପକ୍ଷରୁ କୁହାଯାଇଛି କି ଭାରତୀୟ ଦୂତାବାସରୁ ଏକ ଲିଖିତ ନୋଟ ଓ ଅମୃତପାଲ ସିଂଙ୍କ ପାସପୋର୍ଟର ଏକ କପି ମିଳିଛି ।
ଦୂତାବାସ ଅନୁମାନ କରୁଛି କି ଅମୃତପାଲ ନେପାଳରେ ପହଞ୍ଚି ସାରିଛନ୍ତି । ଭାରତୀୟ ଦୂତାବାସ ଅମ୍ରିତପାଲ ସିଂଙ୍କୁ ସର୍ଭିଲାନ୍ସ ଲିଷ୍ଟରେ ସାମିଲ କରିବାକୁ ଅପିଲ କରିଥିଲା । ଭାରତୀୟ ଦୂତାବାସ ଅପିଲ କରିଥିଲା କି ଅମୃତପାଲ ସିଂଙ୍କୁ ଅନ୍ୟ କୌଣସି ଦେଶ ଯିବାକୁ ଅନୁମତି ଦିଆ ନ ଯାଉ । ଯେଉଁଥିପାଇଁ ନେପାଳ ସରକାର ଅମୃତପାଲଙ୍କୁ ସର୍ଭିଲାନ୍ସ ଲିଷ୍ଟରେ ସାମିଲ କରିଛନ୍ତି ।
