ଶଙ୍ଖ ମୋର ଗର୍ବ ପରେ ବିଜେଡିର ନୂଆ ଟ୍ରେଣ୍ଡ ଜୟ ଜଗନ୍ନାଥ

ଭୁବନେଶ୍ୱରେ(ବଡ଼ ଖବର ବ୍ୟୁରୋ): ଶଙ୍ଖ ମୋର ଗର୍ବ ପରେ ଏବେ ବିଜେଡିର ନୂଆ ଟ୍ରେଣ୍ଡ ଜୟ ଜଗନ୍ନାଥ । କୋଟି କୋଟି ଓଡ଼ିଆଙ୍କ ଆରାଧ୍ୟ ପ୍ରଭୁ ଶ୍ରୀଜଗନ୍ନାଥ । ପ୍ରତିଟି ଓଡ଼ିଆର ମୁରବୀ । ସମସ୍ତ ମାଙ୍ଗଳିକ କାର୍ଯ୍ୟରେ ଓଡ଼ିଆମାନେ ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶିଷ ଲୋଡ଼ିଥାନ୍ତି । ବିପଦ ଆପଦରେ ସେ ହିଁ ଏକ ମାତ୍ର ସାହା ଭରଷା । ଓଡ଼ିଆଙ୍କ ଭାବାବେଗ ସହ ଶ୍ରୀଜଗନ୍ନାଥ ଓ ଜଗନ୍ନାଥ ସଂସ୍କୃତି ଜଡ଼ିତ । ଏହାର ଫାଇଦା ଉଠାଇବ ବିଜେଡି । ମନ୍ତ୍ରୀ ହୁଅନ୍ତୁ ବା ବିଧାୟକ, ପର୍ଯ୍ୟବେକ୍ଷକ ବା ଦଳର କାର୍ଯ୍ୟକର୍ତ୍ତା ପୂର୍ବରୁ କହୁଥିଲେ ଶଙ୍ଖ ମୋର ଗର୍ବ । ଏବେ କହୁଛନ୍ତି ଜୟ ଜଗନ୍ନାଥ ।