ଲୋକଙ୍କ ପସନ୍ଦ ଆରୋହି

ନୂଆପଡ଼ା (ବଡ଼ ଖବର ବ୍ୟୁରୋ): ଖରାଦିନ ଆସିଲେ ଲୋକଙ୍କ ପସନ୍ଦ ତରଭୁଜ। ନୂଆପଡ଼ା ବଜାରରରେ ଏବେ ହଳଦିଆ ତରଭୁଜର ବେସ ଚାହିଦା ଅଛି। ନୂଆପଡ଼ା ଗୋଡ଼ଫୁଲା ପଞ୍ଚାୟତ ଭେରା ଗାଁରେ ଏବେ ଚାଷ ହେଉଛି ହଳଦିଆ ତରଭୁଜ। ଚାଷୀ ତିରିଥରାମ୍ ପଟେଲ ହଳଦିଆ ତରଭୁଜ ଚାଷ କରି ଦି ପଇସା ରୋଜଗାର କରିପାରିଛନ୍ତି। ବଜାରରେ ବି ଏହି ଆରୋହି ନାମକ ତରଭୁଜକୁ ଲୋକ ପସନ୍ଦ କରୁଛନ୍ତି। ବିକ୍ରି ବି ଭଲ ହେଉଥିବାରୁ ଫଳ ଦୋକାନୀମାନେ ବି ତିରିଥରାମଙ୍କୁ ହଳଦିଆ ତରଭୁଜ ଯୋଗାଇଦେବା ପାଇଁ ଅଡ଼ର୍ର ଦେଉଛନ୍ତି।

ଏ ବର୍ଷ ନୂଆପଡ଼ା ଜିଲ୍ଲାରେ ଆଠ ଜଣ ଚାଷୀଙ୍କୁ ତରଭୁଜ ଚାଷ କରିବା ପାଇଁ ପ୍ରୋତ୍ସାହିତ କରିଛନ୍ତି ସହକାରୀ କୃଷି ଅଧିକାରୀ ସୁଧାଂଶୁ ଶେଖର ସାହୁ। ଅନ୍ୟପଟେ ବଜାରରେ ଜିଏ ଥରେ ନେଇଛି ସେ ବାରମ୍ବାର ନେବାକୁ ଦୋକାନଙ୍କୁ ଆସୁଛି। ବିଶେଷ କରି ଛୁଆଙ୍କ ଭିତରେ ଏହି ଆରୋହି ହଳଦିଆ ତରଭୁଜ ଆଦୃତ ହେଉଥିବା ଜଣାପଡିଛି। ପାଚିବା ପାଇଁ ୭୦ ରୁ ୮୦ ଦିନ ଲାଗୁଥିବା ଏହି ତରଭୁଜକୁ ଆଗାମୀ ଦିନରେ ଜିଲ୍ଲାରେ ଅଧିକରୁ ଅଧିକ ଚାଷ କରିବା ପାଇଁ ଲୋକଙ୍କୁ ପ୍ରୋତ୍ସାହିତ କରିବା ଲକ୍ଷ୍ୟ ରଖିଛନ୍ତି ସହକାରୀ କୃଷି ଅଧିକାରୀ।