ଏପ୍ରିଲ ୧୫ରେ ସରିବ ଦଶପଲ୍ଲା ଲଙ୍କାପୋଡ଼ି ଯାତ୍ରା

ଦଶପଲ୍ଲା (ବଡ଼ ଖବର ବ୍ୟୁରୋ): ୨୨୧ବର୍ଷରେ ଦଶପଲ୍ଲା ଲଙ୍କାପୋଡ଼ି ଯାତ୍ରା। ୧୮୦୨ରେ ଦଶପଲ୍ଲାର କୁଞ୍ଜ ବନଗଡ ଗ୍ରାମରୁ ସୃଷ୍ଟି ଏହି ଯାତ୍ରା ଆଜି ଗଣପର୍ବରେ ପରିଣତ ହୋଇଛି । କୁଞ୍ଜ ବନଗଡ ଲୋକକଳା ଗ୍ରାମର ସ୍ଵତନ୍ତ୍ର ପରିଚୟ ସୃଷ୍ଟି କରିଛି । ଚଳିତ ବର୍ଷ ଶ୍ରୀରାମ ନବମୀ ଠାରୁ ଆରମ୍ଭ ହୋଇଥିବା ଏହି ଯାତ୍ରା ଏପ୍ରିଲ ୧୫ ତାରିଖ ପର୍ଯ୍ୟନ୍ତ ଚାଲିବ । ଏହି ଯାତ୍ରାର ମୁଖ୍ୟ ଆକର୍ଷଣ ୪୨ ଫୁଟର କାଠ ନିର୍ମିତ ରାବଣ, ପୁଷ୍ପକ ବିମାନ । ଲଙ୍କାପୋଡି ଯାତ୍ରାରେ ଦଶପଲ୍ଲାର ୧୦୦ ରୁ ଉର୍ଦ୍ଧ କଳାକାର ଅଭିନୟ କରନ୍ତି ।