ଓଡ଼ଗାଁରେ ଖଣି ମାଫିଆଙ୍କ ରାଜ

ନୟାଗଡ଼ (ବଡ଼ ଖବର ବ୍ୟୁରୋ): ଓଡଗାଁରେ ଖଣି ମାଫିଆଙ୍କ ରାଜ । ପୁଆଣିଆଁ ଟାଙ୍ଗିରି ପାହାଡ଼ରେ ମନଇଚ୍ଛା ଚାଲିଛି ବେଆଇନ ବ୍ଲାଷ୍ଟିାଂ ଜଙ୍ଗଲ ଖାଉଛି ବେଆଇନ ପଥର ଖଣି । କ୍ରସର ଧୂଳି ଧୂଆଁରେ ଅସ୍ତବ୍ୟସ୍ତ ହେଇଗଲାଣି ଜନଜୀବନ । ପଥର ଗୁଣ୍ଡ ଯୋଗୁଁ ପରିବେଷ ପ୍ରଦୂଷଣ ବଢୁଥିବା ବେଳେ , ଲୋକେ ନିଶ୍ୱାସ ନେବାରେ ସମସ୍ୟା ହେଉଛି । ବେଆଇନ ପଥର ଖଣି କୁନେଇ ଅଞ୍ଚଳରେ ତୀବ୍ର ଅସନ୍ତୋଷ ଦେଖିବାକୁ ମିଳିଛି ।

ଅନବରତ ବ୍ଲାଷ୍ଟିରେ ମୃଦୁ ଭୂମିକମ୍ପ ଅନୁଭୂତ ଭଳି ସମସ୍ୟା ,ଓ ଘରଦ୍ୱାର ଭାଙ୍ଗିବା ସହ ଚାଷଜମି ନଷ୍ଟ ହେଉଥିବା ଅଭିଯୋଗ ହେଉଛି । ଜନବସତି ପାଖାରେ କିଭଳି ସରକାର ପଥର ଖଣି ଓ କ୍ରସର ଚଳାଇବାକୁ ଅନୁମତି ଦେଲେ ସେନେଇ ଅଞ୍ଚଳବାସୀ ପ୍ରଶ୍ନ କରିଛନ୍ତି । ଯାହାକୁ ନେଇ ନୟାଗଡ଼ ଜିଲ୍ଲା ପ୍ରଶାସନକୁ ଲିଖିତ ଅଭିଯୋଗ କରିଛନ୍ତି ଅଞ୍ଚଳବାସୀ ।