ଝାରସୁଗୁଡ଼ା (ବଡ଼ ଖବର ବ୍ୟୁରୋ): ଛତିଶଗଡ଼ରୁ ମିଳିଲା ନିଖୋଜ ନାବାଳକ । ଝାରସୁଗୁଡ଼ା ବୁରୋମାଲ ଅଞ୍ଚଳର ନାବାଳକଙ୍କୁ ବିଳାସପୁରରୁ ଉଦ୍ଧାର କରିଛି ପୋଲିସ୍ । ଏନେଇ ଝାରସୁଗୁଡ଼ା ଏସପି ସ୍ମିତ୍ ପରମାର ସୂଚନା ଦେଇଛନ୍ତି । ନାବାଳକଙ୍କୁ କେହି ଅପହରଣ କରିନଥିଲେ, ସେ ନିଜ ଇଛାରେ ଟ୍ରେନରେ ଯାଇଥିବା ସୂଚନା ଦେଇଛନ୍ତି । ତାଙ୍କୁ ସେଠୁ ଆଣିବା ପାଇଁ ଝାରସୁଗୁଡ଼ା ପୋଲିସର ଏକ ଟିମ୍ ଯାଇଛି ।
ସୂଚନା ଅନୁସାରେ ଗତ ୭ ତାରିଖରେ ନାବାଳକଙ୍କ ମାଆ ଅସୁସ୍ଥ ହୋଇ ମେଡିକାଲରେ ଭର୍ତ୍ତି ହୋଇଥିଲେ । ଆଉ ତାଙ୍କର ଧ୍ୟାନ ରଖିବା ପାଇଁ ନାବାଳକଙ୍କ ବାପା ବି ଡାକ୍ତରଖାନାରେ ରହୁଥିଲେ । ଘରେ ନାବାଳକ ଜଣକ ନିଜ ଭାଇ ସହ ଥିବା ବେଳେ ନିଖୋଜ ହୋଇଥିବା ଅଭିଯୋଗ ହୋଇଥିଲା ।
