ମାଲକାନଗିରି(ବଡ଼ ଖବର ବ୍ୟୁରୋ): ଦୁବାଇ ଯିବେ ମାଲକାନଗିରି ଜିଲ୍ଲାର ବଣ୍ଡା ଛାତ୍ରୀ। ମାଲକାନଗିରିରେ ଆଇଟିଆଇ ଟ୍ରେନିଂ ନେଉଥିବା ବଣ୍ଡା ଜନଜାତିର ଛାତ୍ରୀ ବୁଦ୍ରୀ କିର୍ଷାନି ଦୁବାଇ ଯିବେ । ସ୍କିଲ ଇଣ୍ଡିଆ ମାଧ୍ୟମରେ ଦେଶର ବିଭିନ୍ନ ଅଞ୍ଚଳରୁ ଦୁବାଇ ଯିବେ କୃତ୍ତି ଛାତ୍ରଛାତ୍ରୀ। ଦେଶ ଦେଶ ମଧ୍ୟରେ ଜ୍ଞାନ କୌଶଳର ଆଦାନ ପ୍ରଦାନ ପାଇଁ ଓଡ଼ିଶାର ୫ଜଣ ଛାତ୍ରଛାତ୍ରୀ ଦୁବାଇ ଯିବାକୁ ମନୋନୀତ ହୋଇଛନ୍ତି ।
ସେମାନଙ୍କ ମଧ୍ୟରେ ଅଛନ୍ତି ମାଲକାନଗିରି ଜିଲ୍ଲା ଖଇରପୁଟ ବ୍ଲକ ଦାନ୍ତିପଡ଼ା ଗ୍ରାମରେ ବଣ୍ଡା ଯୁବତୀ ବୁଦ୍ରୀ କିର୍ଷାନି । ଇପିକଲ ପକ୍ଷରୁ ଦୁବାଇରେ କରାଯାଉଥିବା ଏକ କାର୍ଯ୍ୟକ୍ରମରେ ଯୋଗ ଦେବାକୁ ଯାଉଛନ୍ତି ବାପା-ମାଆ ଛେଉଣ୍ଡ ବଣ୍ଡା ଜନଜାତିର ବୁଦ୍ରୀ କିର୍ଷାନି । ମାଲକାନଗିରି ଜିଲ୍ଲା ଆଇଟିଆଇରେ ପାଠ ପଢ଼ାରେ ସଫଳ ହେବାପରେ ବୁଦ୍ରୀଙ୍କ ନାମ ଡାଇରେକ୍ଟର ଅଫ ଟେକ୍ନିକାଲ ଏଜୁକେସନ ନିର୍ଦ୍ଦେଶକଙ୍କୁ ସୁପାରିଶ କରାଯାଇଥିଲା।
