ସମ୍ବଲପୁର ହିଂସା ଘଟଣା, ଗିରଫ ସଂଖ୍ୟା ୭୯କୁ ବୃଦ୍ଧି

ସମ୍ବଲପୁର (ବଡ଼ ଖବର ବ୍ୟୁରୋ):  ସମ୍ବଲପୁର ହିଂସା ଘଟଣା । ଆଉ ୩୦ ଜଣଙ୍କୁ ଗିରଫ କଲା ପୋଲିସ । ଘଟଣାରେ ଗିରଫଦାରୀ ସଂଖ୍ୟା ୭୯କୁ ବୃଦ୍ଧି ହୋଇଛି । ଆଜି ଘଟଣାର ସମୀକ୍ଷା କରିବେ ଡିଜିପି । କାର୍ଯ୍ୟାନୁଷ୍ଠାନ ଜାରି ରଖିଛି ସମ୍ବଲପୁର ପୁଲିସ । ଶୁକ୍ରବାର ୨୬ ଜଣଙ୍କୁ ଗିରଫ କରାଯାଇଥିବା ବେଳେ ଶନିବାର ୨୩ ଜଣଙ୍କୁ ଗିରଫ କରାଯାଇଛି । ସେହିପରି ସିସିଟିଭି ଓ ଭିଜୁଆଲ୍ ପ୍ରମାଣ ଆଧାରରେ ଆହୁରି ୫୦ ଜଣଙ୍କୁ ଗିରଫ କରିବା ପାଇଁ ଚିହ୍ନଟ କରାଯାଇଛି ।

ଏମାନଙ୍କୁ ଖୁବଶୀଘ୍ର ଗିରଫ କରାଯାଇପାରେ । ସେପଟେ ସମ୍ବଲପୁରରେ ସୃଷ୍ଟି ହୋଇଥିବା ସ୍ଥିତିର ସମୀକ୍ଷା କରିଛନ୍ତି ପୋଲିସ ଡିଜି ସୁନିଲ ବଂଶଲ । ସହରର ବିଭିନ୍ନ ସ୍ଥାନକୁ ନିଜେ ଯାଇ ଆଇନଶୃଙ୍ଖଳା ସ୍ଥିତିର ଅନୁଧ୍ୟାନ କରିଛନ୍ତି ।