ରଥ ନିର୍ମାଣ ପାଇଁ ଚଳଚଞ୍ଚଳ ରଥଖଳା

ପୁରୀ (ବଡ଼ ଖବର ବ୍ୟୁରୋ): ଚଳଚଞ୍ଚଳ ରଥଖଳା । ଗତକାଲି ବିଶ୍ୱକର୍ମା ମହାରଣା ଲୁହାର କୁରାଢ଼ୀର ସ୍ପର୍ଶ ଦେଇ ଅନୁକୂଳ କରିଥିଲେ ରଥ ନିର୍ମାଣ କାର୍ଯ୍ୟ । ପରେ ରଥଖଳାରେ ତୁମ୍ଭ କାର୍ଯ୍ୟ ଆରମ୍ଭ ପାଇଁ ମାପ ସହ ଖୋଦେଇ କରିଥିଲେ । ଆଜି ସକାଳୁ ସେହି ମାପରେ ଆରମ୍ଭ ହୋଇଛି ତୁମ୍ବ ହଣା କାର୍ଯ୍ୟ । କରତିଆ ସେବକମାନେ ତୁମ୍ବ ହଣା କାର୍ଯ୍ୟ ଆରମ୍ଭ କରିଛନ୍ତି ।

ରଥ ସଂହିତା ଅନୁସାରେ ଅକ୍ଷୟ ତୃତୀୟାରେ ରଥ ନିର୍ମାଣ ଆରମ୍ଭ ଓ ଭଉଁରୀ ଦିନ ତିନି ରଥର ଅଖ ଚକ ସଂଯୋଗ ନୀତି ଅନୁଷ୍ଠିତ ହେବାକୁ ଥିବାବେଳେ ସ୍ନାନ ପୂର୍ଣ୍ଣିମା ଦିନ ତିନି ରଥର ୪ ନାହାକା ଉଠିବା ପରମ୍ପରା ରହିଛି । ସେପଟେ ରଥ ଖଳାରେ ବାହାର ଲୋକ ନପଶିବା ପାଇଁ କଟକଣା କରାଯାଇଛି । ସିସିଟିଭି ଲଗାଯାଇଥିବା ବେଳେ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି ।