ମିିଳିଲା ନାଉରିଆଙ୍କ ମୃତଦେହ, ପୋଲ ନିର୍ମାଣ ପାଇଁ ଦାବି

କେନ୍ଦ୍ରାପଡ଼ା (ବଡ଼ ଖବର ବ୍ୟୁରୋ): ବ୍ରାହ୍ମଣୀ ଡ଼ଙ୍ଗା ବୁଡି ଘଟଣା । ମିଳିଲା ନାଉରିଆଙ୍କ ମୃତଦେହ । ମୃତକ ନାଉରିଆ ହେଲେ ସୁଦର୍ଶନ ସ୍ୱାଇଁ ।  ନାଉରିଆଙ୍କ ମୃତଦେହ ମିଳିବା ପରେ ଉତ୍ତେଜନା । ବ୍ରାହ୍ମଣୀ ନଦୀ କୂଳରେ ମୃତଦେହ ରଖି ପୋଲ ନିର୍ମାଣ ପାଇଁ ଗାଁଲୋକଙ୍କ ଦାବି । ଘଟଣାସ୍ଥଳରେ ରାଜନଗର ବିଧାୟକ, ତହସିଲଦାର, ଆଳି ବ୍ଲକ ପ୍ରଶାସନ ଉପସ୍ଥିତ ରହି ଲୋକଙ୍କୁ ବୁଝାସୁଝା କରୁଛନ୍ତି । ମାସେ ଭିତରେ ପୋଲ ନିର୍ମାଣ କାମ ଆରମ୍ଭ ହେବା ପାଇଁ ବିଧାୟକ ଦେଇଛନ୍ତି ଆଶ୍ୱସନା ଆଶ୍ୱସନା ପରେ ବି ବି ଶୁଣିନାହାନ୍ତି ଗାଁ ଲୋକ ।

ଗତକାଲି ରାଜନଗର କେରଡ଼ାଗଡ଼ରୁ ଡ଼ଙ୍ଗା ନେଇ ଆସୁଥିବା ସମୟରେ ଏକମଣିଆ ନିକଟରେ ଭରସାମ୍ୟ ହରାଇ ଡ଼ଙ୍ଗାଟି ଓଲଟି ପଡ଼ିଥିଲା । ଏହି ଘଟଣାରେ ଜଣେ ପନ୍ଦର ବର୍ଷର ବାଳକ ମୃତ୍ୟୁ ବରଣ କରିଥିବା ବେଳେ ନାଉରିଆ ସୁଦର୍ଶନ ଗତ କାଲିଠୁ ନିଖୋଜ ଥିଲେ । ଆଜି ସକାଳେ ତାଙ୍କର ମୃତଦେହ ସେହି ଘାଟ ଅଞ୍ଚଳରେ ଭାସୁଥିବା ଦେଖିବାକୁ ମିଳିଥିଲା ।