୧୦୦ କୋଟି ଟୀକାକରଣ କରିବା ଲକ୍ଷ୍ୟରେ ସରକାର
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦିନକୁ ଦିନ ସାରା ଦେଶରେ କରୋନା ଆୟତ୍ତ୍ୱ ହେବାରେ ଲାଗିଛି । ଏପରିକି ପ୍ରଧାନମନ୍ତ୍ରୀ ମୋଦିଙ୍କ ଜନ୍ମଦିନରେ କରୋନା ଟୀକାକରଣ ପାଇଁ ବିଶ୍ୱ ରେକର୍ଡ ସୃଷ୍ଟି ହୋଇଥିଲା । ତେଣୁ ଚଳିତଥର ୧୦୦ କୋଟିରୁ ଅଧିକ ଟୀକାକରଣ ପାଇଁ ପ୍ରସ୍ତୁତି ଆରମ୍ଭ ହୋଇଥିବାର ସୂଚନା ମିଳିଛି । ଏନେଇ ଆସନ୍ତା ୧୭ ଦିନ ମଧ୍ୟରେ ପ୍ରାୟ ୧୮ କୋଟି ଜନସଂଖ୍ୟାକୁ ଟୀକା ଯୋଗାଇବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି । ଯେଉଁଥି ପାଇଁ ସ୍ୱାସ୍ଥ୍ୟ ମନ୍ତ୍ରଣାଳୟର ଏକ ଟିମ ଏହାର ପ୍ରସ୍ତୁତିରେ ନିୟୋଜିତ ଅଛନ୍ତି ।
ଅପରପକ୍ଷରେ ୭ ଅକ୍ଟୋବର ସୁଦ୍ଧା ରେକର୍ଡ ଟୀକାକରଣ ମାଧ୍ୟମରେ ୧୦୦ କୋଟି ମାର୍କ ପୂରଣ ଲକ୍ଷ୍ୟରେ କାର୍ଯ୍ୟ କରାଯାଉଛି । ୨୦୦୧ ମସିହା ୭ ତାରିଖରେ ପ୍ରଧାନମନ୍ତ୍ରୀ ପ୍ରଥମଥର ପାଇଁ ଗୁଜରାଟର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ । ତେଣୁ ଏହି ଦିନକୁ ଜନ୍ମଦିନରେ ଯେପରି ଟୀକାକରଣର ରେକର୍ଡ ସୃଷ୍ଟି କରାଯାଇଥିଲା । ସେହିପରି ଅକ୍ଟୋବର ୭ତାରିଖରେ ମଧ୍ୟ ନୂଆ ରେକର୍ଡ ସୃଷ୍ଟି କରିବାର ଯୋଜନାରେ ରହିଛନ୍ତି ସରକାର ।