ବାରିପଦା(ବଡ଼ ଖବର ବ୍ୟୁରୋ): ଦୁଇ ବାଘ ମଧ୍ୟରେ ଲଢେଇ କଳା ବାଘର ମୃତ୍ୟୁ । ଶିମିଳିପାଳ ଅଭୟାରଣ୍ୟ କୋର ଏରିଆରେ କଳା ମହାବଳ ବାଘର ମୃତ୍ୟୁ । ମୃତ ବାଘର ବୟସ ସାଢ଼େ ୩ବର୍ଷ ବୋଲି ଅନୁମାନ କରାଯାଉଛି। ଏନେଇ ପିସିସିଏଫ ସୂଚନା ଦେଇଛନ୍ତି। ଦୁଇ ବାଘ ମଧ୍ୟରେ ଲଢେ଼ଇ ହେବାରୁ ଏଭଳି ଘଟଣା ଘଟିଥିବା ସନ୍ଦେହ କରାଯାଉଛି। ଘଟଣାରେ ଉଚ୍ଚସ୍ତରୀୟ ଅଧିକାରୀଙ୍କୁ ନେଇ ଟାସ୍କଫୋର୍ସ ଟିମ ଗଠନ କରି ତଦନ୍ତ କରାଯିବ ବୋଲି କହିଛନ୍ତି ବନଅଧିକାରୀ। ବାଘର ବୟସ ୩ବର୍ଷ ହେଲା ପରେ ସେମାନେ ନିଜର ସ୍ୱତନ୍ତ୍ର ଟେରିଟୋରୀ ବା ସୀମା ନିର୍ଦ୍ଧାରଣ କରିଥାନ୍ତି । ଏଥିପାଇଁ ଅଣ୍ଡିରା ବାଘଙ୍କ ଭିତରେ ଜୋରଦାର ଲଢ଼େଇ ହୋଇଥାଏ । ଏମିତି ଏକ ଲଢ଼େଇରେ ଏହି କଳା ବାଘର ମୃତ୍ୟୁ ହୋଇଥିବା ସନ୍ଦେହ କରାଯାଉଛି ।
