ନିଷ୍ପତ୍ତି ପ୍ରତ୍ୟାହାର କରିବେ ନାହିଁ ଶରଦ ପାୱାର: ଅଜିତ ପାୱାର

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ନିଷ୍ପତ୍ତି ପ୍ରତ୍ୟାହାର କରିବେ ନାହିଁ ଶରଦ ପାୱାର । ଏଭଳି ପ୍ରତିକ୍ରିୟା ରଖିଛନ୍ତି ପାୱାରଙ୍କ ପୁତୁରା ଅଜିତ ପାୱାର । ଏନସିି ମୁଖ୍ୟ ଶରଦ ପାୱାର ପଦରୁ ଇସ୍ତଫା ଦେବା ପରେ ରାଜ୍ୟ ରାଜନୀତି ସରଗରମ ହୋଇଛି । ଇସ୍ତଫାକୁ ବିରୋଧ କରି ଦଳର ନେତା କର୍ମୀ ଧାରଣା ଦେଇଛନ୍ତି । ଅଜିତ ପାୱାର କହିଛନ୍ତି କମିଟି ଯାହା ବି ନିଷ୍ପତ୍ତି ନେବ ଆମେ ମାନିନେବୁ । ଅଜିତ କହିଛନ୍ତି ଶରଦ ପାୱାର ତାଙ୍କ ବୟସକୁ ଦେଖି ଏବଂ ଅସୁସ୍ଥତା କାରଣରୁ ଏଭଳି ନିଷ୍ପତ୍ତି ନେଇଛନ୍ତି। ସେ ଆହୁରି ମଧ୍ୟ କହିଛନ୍ତି ଏନସିପିର ଅର୍ଥ ହେଉଛି ଶରଦ। ଯିଏ ବି ନୂଆ ଅଧ୍ୟକ୍ଷ ହେବେ ଆମେ ତାଙ୍କ ସହ ରହିବୁ।