ସ୍କୁଟିକୁ ଧକ୍କା ଦେଇ ଘୋଷାଡ଼ି ନେଲା ପିକଅପ ଭ୍ୟାନ

କଳାହାଣ୍ଡି (ବଡ଼ ଖବର ବ୍ୟୁରୋ): ସ୍କୁଟିକୁ ଧକ୍କା ଦେଇ ଘୋଷାଡ଼ି ନେଲା ପିକଅପ ଭ୍ୟାନ । ସ୍କୁଟି ଆରୋହୀ ଗୁରୁତର । ହସ୍ପିଟାଲରେ ଭର୍ତ୍ତି । ପିକଅପକୁ ଅଟକାଇ ଡ୍ରାଇଭରକୁ ଥାନାରେ ଜିମାଦେଲେ ଉତ୍ତ୍ୟକ୍ତ ଲୋକେ । ଏଭଳି ଘଟଣା ଘଟିଛି ଭବାନୀପାଟଣା ନକଟିଗୁଡା ଠାରେ । ଭୁବନେଶ୍ୱରରୁ ଜୁନାଗଡ଼ ଅଭିମୁଖେ ଯାଉଥିବା ଏକ ପିକଅପ ଭ୍ୟାନ ଭବାନୀପାଟଣା ନକଟିଗୁଡା ଠାରେ ଏକ ସ୍କୁଟିକୁ ଧକ୍କା ଦେଇଥିଲା ।

ଧକ୍କା ଦେବା ପରେ ଘୋଷାଡ଼ି ଘୋଷାଡ଼ି ନେଉଥିଲା । ସ୍ଥାନୀୟ ଲୋକେ ଦେଖିବା ପରେ ପିକଅପ ଭ୍ୟାନକୁ ଅଟକାଇ ଥିଲେ । ପରେ ଗୁରୁତର ସ୍କୁଟି ଆରୋହୀଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ପିକଅପ ଡ୍ରାଇଭରକୁ ମାଡ଼ ମାରିବା ସହିତ ପୋଲିସର ଜିମା ଦେଇଛନ୍ତି ଲୋକେ ।