ପ୍ରେମ କରିବା ପଡିଲା ମହଙ୍ଗା

ରାୟଗଡ଼ା (ବଡ଼ ଖବର ବ୍ୟୁରୋ): ପ୍ରେମକୁ ନେଇ ଆଉ ଏକ କଳଙ୍କିତ ପର୍ଦ୍ଦ। ପ୍ରେମ କରିବା ପଡିଲା ମହଙ୍ଗା । କୂଳ କୁଟୁମ୍ବ ଗ୍ରହଣ କଲେ ନାହିଁ। ପ୍ରେମି ଯୁଗଳକୁ ଅହେତୁକ ନିର୍ଯାତନା। ଗାଁ ମୁଣ୍ଡ ଜମିରେ ଉଭୟଙ୍କୁ ବଳଦ କରି ହଳ ଯୋଚି ଚାଷ କଲେ ଗ୍ରାମବସୀ। ବଳଦକୁ ମାରିବା ଭଳି ମାରି ଚାଲିଥିଲେ। ଆଉ ଜମି ଚାରିପଟେ ଲୋକେ ଠିଆ ହୋଇ ଦେଖଣାହାରୀ ସାଜିଥିଲେ। ରାୟଗଡ ଜିଲ୍ଲାରେ ପୁଣି ସାମାଜିକ କଳଙ୍କ ଦେଖାଦେଇଛି ।

କଲ୍ୟାଣସିଂହପୁର ବ୍ଲକ ସିକରପାଇ ପଞ୍ଚାୟତର କଂଜାମଯୋଡି ଗ୍ରାମରେ ଘଟିଛି ଏହି ଘଟଣା । ନିଜ ପିୟୁସିଙ୍କୁ ପ୍ରେମ ବିବାହ କରିଥିବା ପୁତୁରାକୁ ଗ୍ରାମବାସୀ ଦଣ୍ଡ ଦେଇଛନ୍ତି । ପୁତୁରା ଲାକ ସାରାକା ଏବଂ ପିୟୁସି କୋଡିୟା ସାରାକାଙ୍କୁ ଏଭଳି ଅମାନବୀୟ ଦଣ୍ଡ ଦେବାର ନଜରକୁ ଆସିଛି। ଗତ କିଛି ଦିନ ତଳେ ଏହି ଘଟଣା ଘଟିଥିଲା । ସୋସିଆଲ ମିଡ଼ିଆରେ ଭାଇରଲ ପରେଏହା ଲୋକାଲଚନକୁ ଆସିଛି । ଏ ନେଇ ପରିବାର ଲୋକଙ୍କ ପ୍ରତିକ୍ରିୟା ମିଳିପାରିନି ।