କର୍ଣ୍ଣାଟକ ବୁଥବାହୁଡ଼ା ମତ: ବୃହତ ଦଳ କଂଗ୍ରେସ, କାହାକୁ ନାହିଁ ମ୍ୟାଜିକ ନମ୍ବର

କର୍ଣ୍ଣାଟକ: କର୍ଣ୍ଣାଟକ ବିଧାନସଭାର ୨୨୪ ଆସନ ପାଇଁ ଭୋଟ ଶେଷ ହୋଇଛି । ଆସନ୍ତା ୧୩ରେ ଜଣାପଡ଼ିବ ଫଳାଫଳ । ତେବେ ଏହା ପୂର୍ବରୁ ଆସିଲା ବିଭିନ୍ନ ସଂସ୍ଥା ପକ୍ଷରୁ କର୍ଣ୍ଣାଟକ ବୁଥବାହୁଡ଼ା ପୋଲ । କୌଣସି ଦଳକୁ ସ୍ପଷ୍ଟ ବହୁମତ ମିଳୁନଥିବା ଏକଜିଟ ପୋଲରେ ଆକଳନ କରାଯାଇଛି । ରାଜ୍ୟରେ ସରକାର ଗଢ଼ିବା ପାଇଁ ମ୍ୟାଜିକ ନମ୍ବର ହେଉଛି ୧୧୩ । ବିଭିନ୍ନ ସଂସ୍ଥା ଯଥା- ରିପବ୍ଲିକ ଅନୁଯାୟୀ ବିଜେପି ୮୫ରୁ ୧୦୦, କଂଗ୍ରେସ ୯୪ରୁ ୧୦୮. ଜେଡିଏସ ୨୪ରୁ ୩୨ଓ ଅନ୍ୟାନ୍ୟଙ୍କୁ ୨ରୁ ୬ଆସନ ମିଳିବାକୁ ଯାଉଥିବା ବେଳେ ଜନକି ବାତ୍ ଅନୁଯାୟୀ ବିଜେପି ୯୪ରୁ ୧୧୭, କଂଗ୍ରେସ ୯୧ରୁ ୧୦୬, ଜେଡିଏସ ୧୪ରୁ ୨୪ ଓ ଅନ୍ୟାନ୍ୟ ୦ରୁ ୨ ସିଟ୍ ହାସଲ କରିପାରନ୍ତି । ସେହିପରି ପୋଲ୍ ଷ୍ଟାର୍ଟ ଅନୁଯାୟୀ ବିଜେପି ୮୮-୯୮, କଂଗ୍ରେସ ୯୯-୧୦୯, ଜେଡିଏସ ୨୧-୨୬ ଆସନ ହାସଲ କରି ପାରନ୍ତି । ପିମାରକ୍ୟୁ ଅନୁଯାୟୀ ବିଜେପି ୮୫-୧୦୦, କଂଗ୍ରେସ ୯୪-୧୦୮, ଜେଡିଏସ ୨୪-୩୨ ଓ ମାଟ୍ରିଜି ଅନୁଯାୟୀ ବିଜେପି ୭୮-୯୪, କଂଗ୍ରେସ ୧୦୩-୧୧୮, ଜେଡିଏସ ୨୫-୩୩ ଆସନ ହାସଲ କରିବାକୁ ଯାଉଥିବା ବେଳେ ସିଜିଏସ ଅନୁଯାୟୀ ବିଜେପି ୧୧୪, କଂଗ୍ରେସ ୮୬, ଜେଡିଏସ ୨୧ ଏବଂ ଅନ୍ୟାନ୍ୟ ୩ ଆସନ ହାସଲ କରିବାରେ ସମର୍ଥ ହୋଇପାରନ୍ତି ।