ଆଜି ଶପଥ ନେବେ ଦୀପାଲି ଦାସ, ମନ୍ତ୍ରିମଣ୍ଡଳର ଅଦଳବଦଳରେ ମିଳିପାରେ ସ୍ଥାନ
ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଜି ଶପଥ ନେବେ ଦୀପାଲି ଦାସ । ଝାରସୁଗୁଡ଼ାକୁ ମିଳିବ ନୂଆ ବିଧାୟିକା । ଉପ ବାଚସ୍ପତି ରଜନୀକାନ୍ତ ସିଂହ ଦୀପାଲିଙ୍କୁ ଶପଥପାଠ କରାଇବେ । ଗତକାଲି ଝାରସୁଗୁଡାରୁ ଆସି ଭୁବନେଶ୍ୱରରେ ପହଞ୍ଚିବା ପରେ ନବୀନ ନିବାସ ଯାଇ ସେ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ । ମୁଖ୍ୟମନ୍ତ୍ରୀଙ୍କୁ ଭେଟିବା ପରେ ନବୀନ ପଟ୍ଟନାୟକ ଏକ ଟ୍ୱିଟ କରିଛନ୍ତି । ସେ ଲେଖିଛନ୍ତି, ଝାରସୁଗୁଡ଼ାର ବିକାଶକୁ ଆଗେଇ ନେବା ସହ ଲୋକମାନଙ୍କ ଜୀବନରେ ପରିବର୍ତ୍ତନ ଆଣିବା ପାଇଁ ସମର୍ପିତ ଭାବେ କାର୍ୟ୍ୟ କରିବାକୁ ଦୀପାଲିଙ୍କୁ ପରାମର୍ଶ ଦେଲି। ଶପଥ ନେବା ପରେ ହୁଏତ ମନ୍ତ୍ରିମଣ୍ଡଳର ଅଦଳବଦଳରେ ଦୀପାଲିଙ୍କୁ ସ୍ଥାନ ମିଳିପାରେ ।