କର୍ଣ୍ଣାଟକ(ବଡ଼ ଖବର ବ୍ୟୁରୋ): ଆଜି ହୋଇପାରେ କର୍ଣ୍ଣାଟକ କ୍ୟାବିନେଟର ସମ୍ପ୍ରସାରଣ । ଏଥିରେ ସାମିଲ ହୋଇପାରନ୍ତି ୨୦ ରୁ ୨୪ ନୂଆ ମନ୍ତ୍ରୀ । ଏନେଇ କଂଗ୍ରେସ ଦଳୀୟ ସୂତ୍ରରୁ ସୂଚନା ମିଳିଛି । କ୍ୟାବିନେଟର ସମ୍ପ୍ରସାରଣ ପାଇଁ ଗୁରୁବାର ଆଲୋଚନା ହୋଇଥିଳା । ମୁଖ୍ୟମନ୍ତ୍ରୀ ସିଦ୍ଦରମେୟା, ଉପମୁଖ୍ୟମନ୍ତ୍ରୀ ଡିକେ ଶିବକୁମାର, ଦଳର ସାଧାରଣ ସଚିବ କେସି ବେଣୁଗୋପାଳ ଓ ରଣଦୀପ ସୂର୍ଯେୱାଲଙ୍କ ମଧ୍ୟରେ ୫ ଘଂଟାରୁ ଅଧିକ ସମୟ ଧରି ଏହି ବୈଠକରେ ଆଲୋଚନା ହୋଇଥିଲା ।
ଏହି ବୈଠକରେ ମନ୍ତ୍ରୀ ପଦ ପାଇଁ କେତେକ ବିଧାୟକ ସମ୍ପର୍କରେ ଆଲୋଚନା କରାଯାଇଥିବା ଜଣାପଡିଛି । ମେ ୨୦ରେ ଶପଥ ନେଇଥିଲେ ସିଦ୍ଦରମେୟା, ଡିକେ ଶିବକୁମାର ଓ ଅନ୍ୟ ୮ ବିଧାୟକ ମଧ୍ୟ ମନ୍ତ୍ରୀ ଭାବେ ଶପଥ ନେଇଥିଲେ ।
