ମଝି ଆକାଶରେ ଜରୁରୀକାଳୀନ ଡୋର ଖୋଲି ଜଣେ ଗିରଫ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମଝି ଆକାଶରେ ଖୋଲିଲା ଜରୁରୀକାଳୀନ ଡୋର, ବିମାନର ଜରୁରୀକାଳୀନ ଡୋର ଖୋଲିଦେଲେ ଯାତ୍ରୀ । ଏହି ଘଟଣାରେ ଜଣଙ୍କୁ ଗିରଫ କରାଯାଇଛି । ଏହି ଘଟଣାଟି ଘଟିଛି ଦକ୍ଷିଣ କୋରଆରେ । ବିମାନରେ ୧୯୪ ଲୋକ ଥିବା ବେଳେ ୧୦ଜଣ ଆହତ ହୋଇଛନ୍ତି । ଏସିଆନା ଏୟାରଲାଇନସର ବିମାନ ଅବତରଣର କିଛି ମିନିଟ୍ ପୂର୍ବରୁ ହଠାତ ଜଣେ ଯାତ୍ରୀ ବିମାନର ଏମର୍ଜେନ୍ସି ଡୋରଟିକୁ ଖୋଲି ଦେଇଥିଲେ । ଏହାପରେ ବିମାନ ଭିତରେ ପ୍ରବଳ ବେଗରେ ପବନ ଭରି ଯାଇଥିଲା ।

ବିମାନରେ ୧୯୪ ଜଣ ଯାତ୍ରୀ ଥିଲେ । ବିମାନଟି ଦକ୍ଷିଣ କୋରିଆର ଡାଏଗୁ ଏୟାରପୋର୍ଟରେ ସୁରକ୍ଷିତ ଅବତରଣ କରିଥିଲା । ବିମାନ ଅବତରଣ କରିବାବେଳେ ଏମର୍ଜେସି ଡୋର ଖୋଲା ରହିଥିଲା। ଏହାପରେ ବିମାନରେ କିଛି ଯାତ୍ରୀଙ୍କ ଶ୍ୱାଶକ୍ରିୟା ଜନିତ ସମସ୍ୟା ଦେଖିବାକୁ ମିଳିଥିଲା । କିଛି ଯାତ୍ରୀ ବେହୋସ ହୋଇଯାଇଥିଲେ । ଗୁରୁତର ହୋଇ ପଡିଥିବା ଯାତ୍ରୀଙ୍କୁ ତୁରନ୍ତ ମେଡିକାଲରେ ଭର୍ତ୍ତି କରାଯାଇଥିଲା । ବିମାନ ଅବତରଣ କରିବା ପରେ ଏମର୍ଜେନସି ଗେଟ୍ ଖୋଲିଥିବା ବ୍ୟକ୍ତି ଜଣଙ୍କୁ ଗିରଫ କରିଥିଲା ପୋଲିସ ।