ଲୌହଦାନବର ଚକ ତଳେ ଚାଲିଗଲା ଶିବପ୍ରସାଦଙ୍କ ପ୍ରାଣ

ସୁକିନ୍ଦା (ବଡ଼ ଖବର ବ୍ୟୁରୋ):   ଲୌହଦାନବର ଚକ ତଳେ ଚାଲିଗଲା ଶିବପ୍ରସାଦଙ୍କ ପ୍ରାଣବାୟୁ । ବାଲେଶ୍ଵର ଜିଲ୍ଲାର ବାହାନଗା ରେଳଷ୍ଟେସନ ନିକଟରେ ଶୁକ୍ରବାର ସନ୍ଧ୍ୟାରେ ହୋଇଥିବା ଭୟଙ୍କର ଟ୍ରେନ ଦୁର୍ଘଟଣାରେ ଯାଜପୁର ଜିଲ୍ଲା ଦାନଗଦୀ ବ୍ଲକ ରାଛିପୁର ଗାଁର ଶିବପ୍ରସାଦ ସାହୁଙ୍କର ମୃତ୍ୟୁ ଘଟିଛି । ଶିବପ୍ରସାଦ ଜେନେରାଲ କମ୍ପାର୍ଟମେଣ୍ଟରେ ରହିଥିଲେ । ଏହି ଟ୍ରେନର ରିଜର୍ଭେସନ କମ୍ପାର୍ଟମେଣ୍ଟରେ ଥିବା ଏହି ଗାଁର କୁଳମଣି ସାହୁ ଜୀବନ ବଞ୍ଚାଇ ଘରକୁ ଫେରିପାରିଛନ୍ତି।

ସେ ସମ୍ପୂର୍ଣ୍ଣ ସୁସ୍ଥ ଥିବା ଜଣାପଡିଛି। ସେପଟେ ଶିବପ୍ରସାଦଙ୍କ ମୃତଦେହ ଗାଁରେ ପହଞ୍ଚିଛି। ରାଜ୍ୟ ଗ୍ରାମ୍ୟ ଉନ୍ନୟନ ଓ ଦକ୍ଷତା ବିକାଶ ମନ୍ତ୍ରୀ ତଥା ସୁକିନ୍ଦା ବିଧାୟକ ପ୍ରୀତିରଞ୍ଜନ ଘଡାଇ ରାଛିପୁର ଗାଁରେ ପହଞ୍ଚି ମୃତ ଶିବପ୍ରସାଦଙ୍କ ପରିବାରକୁ ଭେଟି ସମବେଦନା ଜଣାଇଛନ୍ତି। ଏଥିସହ ସେ କୁଳମଣିଙ୍କ ଘରକୁ ଯାଇ ଘଟଣା ସମ୍ପର୍କରେ ଅବଗତ ହୋଇଛନ୍ତି।