କାମାକ୍ଷାନଗର (ବଡ଼ ଖବର ବ୍ୟୁରୋ): ଭୁବନ ଥାନା ମାର୍ଥାପୁର ଦେହୁରୀ ସାହିରେ ଜଣେ ଯୁବକଙ୍କ ସନ୍ଦେହଜନକ ମୃତ୍ୟୁ ଚର୍ଚ୍ଚାର ବିଷୟ ହୋଇଛି । ଅକ୍ଷୟ ଦେହୁରୀ (୩୫)ଙ୍କ ମୃତ୍ୟୁର କାରଣ ବିଷାକ୍ତ ମଦ ବୋଲି କୁହାଯାଉଛି । କାମାକ୍ଷାନଗର ପୋଲିସ ଶବ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରିଛି । ଶବ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରିଛି ପୋଲିସ । କିଛିବର୍ଷ ହେବ ମର୍ଥାପୁର ପଞ୍ଚାୟତ ରେ ବିଷାକ୍ତ ଦେଶୀ ମଦ କାରବାର ଭଲ ଭାବରେ ଚାଲୁଛି । ଏହି ପଂଚାୟତର କେଳା ସାହିରେ ବେଆଇନ ଭାବେ ବିକ୍ରି ହେଉଥିବା ମଦପିଇ ପୂର୍ବରୁ ଅନେକ ଲୋକଙ୍କର ମୃତ୍ୟୁ ଘଟିଛି । ପ୍ରତିଦିନ ମର୍ଥାପୁର ପଞ୍ଚାୟତରେ ଶହ ଶହ ଲିଟର ଦେଶୀ ମଦ ବହୁଳ ଭାବରେ ବିକ୍ରି ହେଉଛି । କିନ୍ତୁ ଅବକାରୀ ବିଭାଗ ପକ୍ଷରୁ କୌଣସି କାର୍ୟ୍ୟାନୁଷ୍ଠାନ ଗ୍ରହଣ କରାଯାଉନାହିଁ ।
