ମହାପ୍ରଭୁଙ୍କ ନବଯୌବନ ଦର୍ଶନ

ପୁରୀ (ବଡ଼ ଖବର ବ୍ୟୁରୋ): ଆସନ୍ତା ୧୯ରେ ଶ୍ରୀଜିଉଙ୍କ ନବଯୌବନ ଦର୍ଶନ । ୧୦୮ ଗରା ଜଳରେ ଗାଧୋଇବା ପରେ ଜ୍ୱରରେ ପୀଡ଼ିତ ଥିବା ଚତୁର୍ଦ୍ଧା ବିଗ୍ରହ ୧୯ରେ ଭକ୍ତଙ୍କୁ ଦର୍ଶନ ଦେବେ । ନବଯୌବନ ଦର୍ଶନ ସକାଳ ୮ଟାରୁ ୯ଟା ପର୍ଯ୍ୟନ୍ତ ପାରମାଣିକ ଦର୍ଶନ । ଏଥିପାଇଁ ଟିକେଟର ମୂଲ୍ୟ ୧୦୦ ଟଙ୍କା ରହିଥିବା ବେଳେ ମୋଟ ୭୦୦୦ ଟିକେଟ ରହିଛି । ପରେ ସର୍ବସାଧାରଣ ଦର୍ଶନ ସକାଳ ୯ଟାରୁ ଦିନ ୧୧ଟା ଯାଏଁ ଧାର୍ଯ୍ୟ କରାଯାଇଛି । ଏହାପରେ ଦିନ୧୧ଟା ପରଠାରୁ ଦର୍ଶନ ବନ୍ଦ ରହିବ । ଭକ୍ତମାନେ ବେଢା ପରିକ୍ରମା କରିବା ସହ ମହାପ୍ରସାଦ ସେବନ କରିପାରିବେ । । ଅନ୍ୟପଟେ ସେହିଦିନ ରାତି ୯ଟାରୁ ସେନାପଟା ଲାଗି ହେବା ସହ ରଥଯାତ୍ରା ପହଣ୍ଡି ପାଇଁ ଦଇତାପତିଙ୍କ ଦ୍ୱାରା ଆରମ୍ଭ ହେବ ପ୍ରସ୍ତୁତି । ଏନେଇ ସୂଚନା ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ।