ବଙ୍ଗୋମୁଣ୍ଡାରୁ ନିଖୋଜ ରାଜସ୍ଥାନରୁ ଉଦ୍ଧାର

ବଙ୍ଗୋମୁଣ୍ଡା (ବଡ଼ ଖବର ବ୍ୟୁରୋ): ରାଜସ୍ଥାନରୁ ୨ ନାବାଳିକା ଉଦ୍ଧାର । ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ଥାନା ଚୁଲିଫୁଙ୍କା ଗ୍ରାମର ନିଖୋଜ ଥିବା ନାବାଳିକାକୁ ଉଦ୍ଧାର କରିଛି ପୋଲିସ । ଗତ ମେ ୨ ତାରିଖରେ ତ୍ରିପୁରକୁ ସିଲେଇ କାମ ପାଇଁ ଯାଇ ନିଖୋଜ ଥିଲେ ନାବାଳିକା । ଏନେଇ ପରିବାର ପକ୍ଷରୁ ଥାନାରେ ଅଭିଯୋଗ ହୋଇଥିଲା । ଅଭିଯୋଗକୁ ଆଧାର କରି ପୋଲିସ ତଦନ୍ତ ଆରମ୍ଭ କରିଥିଲା । ରାଜସ୍ଥାନର ନାଗୁଆର ଜିଲ୍ଲା ଟାଡାୱାସ ଗାଁର ଏକ ଘରେ ଚଢାଉ କରି ନାବାଳିକାଙ୍କୁ ଉଦ୍ଧାର କରିଛି । ଟିଟିଲାଗଡ଼ ଥାନା ଟିକ୍ରାପଡା ଗ୍ରାମର କଳାକାହ୍ନୁ ରତେଇ ମେ ୨ ତାରିଖରେ ଟିଟିଲାଗଡ଼ ରେଳଷ୍ଟେସନରୁ ନାବାଳିକାକୁ ସାଙ୍ଗରେ ନେଇ ରାଜସ୍ଥାନରେ ୩ ଲକ୍ଷ ଟଙ୍କାରେ ବିକ୍ରି କରିଦେଇଥିବା ନାବାଳିକା ଅଭିଯୋଗ କରିଛନ୍ତି । ତେବେ ବଙ୍ଗୋମୁଣ୍ଡା ଥାନା ଚୁଲିଫୁଙ୍କା ଗ୍ରାମର ନାବାଳିକା ଝିଅ ସହ ବିହାରର ଜଣେ ନାବାଳିକାଙ୍କୁ ଉଦ୍ଧାର କରିଛି ପୋଲିସ । ନାବାଳିକା  ସେଠାରେ ଶ୍ରମିକ ଭାବେ କାମ କରୁଥିଲେ ।