ପରୀକୁ ନ୍ୟାୟ ଦିଅ

ଚାନ୍ଦବାଲି (ବଡ଼ ଖବର ବ୍ୟୁରୋ): ନୟାଗଡ଼ର ୫ ବର୍ଷର ଝିଅ ପରୀକୁ ନ୍ୟାୟ ଦାବିକରି ସାରା ରାଜ୍ୟରେ ଜଳୁଛି ବିଦ୍ରୋହର ନିଆଁ । ଜଳୁଛି ମନ୍ତ୍ରୀ ଅରୁଣ ସାହୁଙ୍କ  କୁଶ ପୁତ୍ତଳିକା। ଆଜି ଭଦ୍ରକ ଜିଲ୍ଲାର ଚାନ୍ଦବାଲି ବ୍ଲକ ଅନ୍ତର୍ଗତ ଅଖିଳ ଭାରତ ବିଦ୍ୟାର୍ଥୀ ପରିଷଦର ଘଣ୍ଟେଶ୍ଵର ଶାଖା ପକ୍ଷରୁ ପରୀର ହତ୍ୟା ଘଟଣାରେ ସିବିଆଇ ତଦନ୍ତ ଦାବି କରି ଛାତ୍ରଛାତ୍ରୀ ମାନେ ପ୍ଲେକାର୍ଡ କାର୍ଡ ଧରି ବିଭିନ୍ନ ପ୍ରକାରର ସ୍ଲୋଗାନ ପକାଇ ଶୋଭାଯାତ୍ରା କରିଥିଲେ । ଘଣ୍ଟେଶ୍ୱର ବଜାର ପରିକ୍ରମା କରିବା ସହ ଏକ ସାଧାରଣ ସଭା ଅନୁଷ୍ଠିତ କରି ଓଡ଼ିଶା ସରକାର ଝିଅ ମାନଙ୍କୁ ସୁରକ୍ଷା ଦେବାରେ ସମ୍ପୂର୍ଣ୍ଣ ବିଫଳ ବୋଲି ଦୋଷାରୋପ କରିଥିଲେ ।ଏହା ସହ ମନ୍ତ୍ରୀ ଅରୁଣ ସାହୁଙ୍କ କୁଶ ପିତୁଳିକା ଦାହ କରିଥିଲେ । । ଉକ୍ତ ସଭାରେ ମନ୍ତ୍ରୀ ଅରୁଣ ସାହୁଙ୍କୁ ବହିଷ୍କାର କରିବା ସହ ସିବିଆଇ ତଦନ୍ତ ଦାବି କରିଥିଲେ । ଏହି କାର୍ୟ୍ୟକ୍ରମ ରେ ଅଖିଳ ଭାରତ ବିଦ୍ୟାର୍ଥୀ ପରିଷଦ ର ଛାତ୍ର ନେତା ବିକ୍ରମ ସାହୁ ଓ ହରିଶ୍ଚନ୍ଦ୍ର ମହାଳିକ ନେତୃତ୍ୱ ନେଇଥିଲେ ।